କଟକ: କଟକ ଜିଲ୍ଲା କିଶନନଗର ଥାନା ଅନ୍ତର୍ଗତ ସାମନ୍ତରାପୁର ଗାଁରେ ଭଡ଼ା ରହୁଥିବା ଜଣେ ବ୍ୟକ୍ତିଙ୍କ ଘରେ ଆଜି ଭୋର ୪ଟାରୁ ଜାତୀୟ ତଦନ୍ତକାରୀ ସଂସ୍ଥା (ଏନଆଇଏ)ର ଅଧିକାରୀମାନେ ଚଢ଼ାଉ କରୁଛନ୍ତି। ଚଢ଼ାଉ ହେଉଥିବା ବ୍ୟକ୍ତିଙ୍କ ଘର ଓଡ଼ିଶାରେ ହୋଇ ନ ଥିବା ବେଳେ ସେ ପ୍ରାୟ ଦେଢ଼ ବର୍ଷ ହେବ ସାମନ୍ତରାପୁର ଗ୍ରାମରେ ଘର ଭଡ଼ା ନେଇ ରହୁଥିଲେ। ତାଙ୍କ ନାମ ଅଖତର ହୁସେନ ଖାଁ। ଦେଶ ବିରୋଧୀ କାର୍ଯ୍ୟକଳାପ ସନ୍ଦେହରେ ଏନଆଇଏ ର ପ୍ରାୟ ୧୦ରୁ ଊର୍ଧ୍ୱ ଅଧିକାରୀ ସ୍ଥାନୀୟ ପୁଲିସ ସହାୟତାରେ ଏହି ଚଢ଼ାଉ ଚଳାଇଥିବା ପ୍ରାଥମିକ ରିପୋର୍ଟରୁ ଜଣାପଡ଼ିଛି।