ନୂଆଦିଲ୍ଲୀ: ଆଜି ଗୃହ ମନ୍ତ୍ରାଳୟ ଅନଲକ-୨ ଲାଗି ଗାଇଡଲାଇନ୍ ଜାରି କରିଛନ୍ତି। ବିଭିନ୍ନ କଟକଣା ସମୟସୀମାକୁ ଜୁଲାଇ ୩୧ପର୍ଯ୍ୟନ୍ତ ବୃଦ୍ଧି କରିଛନ୍ତି ଏବଂ ଏଥିପାଇଁ ନୂତନ ନିୟମାବଳୀ ମଧ୍ୟ ଜାରି କରିଛନ୍ତି। କରୋନା ସଂକ୍ରମଣ ହ୍ରାସ ପାଉ ନ ଥିବାରୁ କେନ୍ଦ୍ର ସରକାର କଟକଣାରେ ବିଶେଷ କୋହଳ କରିନାହାନ୍ତି। ପୂର୍ବପରି ରାତ୍ରିକାଳୀନ କର୍ଫ୍ୟୁ ଆଉ ଏକମାସ ବଳବତ୍ତର ରଖିଛନ୍ତି।
Sambad is now on WhatsApp
Join and get latest news updates delivered to you via WhatsApp
ନୂତନ ଗାଇଡଲାଇନରେ ସରକାର କହିଛନ୍ତି ଯେ, ଅନଲକ-୧ ଭଳି ଅନଲକ-୨ରେ ମଧ୍ୟ ନାଇଟ୍ କର୍ଫ୍ୟୁ ଜାରି ରହିବ | ରାତି ୧୦ଟାରୁ ସକାଳ ୫ଟା ଯାଏଁ ପର୍ଯ୍ୟନ୍ତ ନାଇଟ କର୍ଫ୍ୟୁ ନିୟମ ଲାଗୁ ହେବ | ଜୁଲାଇ ୧ ତାରିଖଠାରୁ ଏହି ନୂତନ କର୍ପ୍ୟୁ ନିୟମ ପାଳନ କରାଯିବ।
ଗୃହ ମନ୍ତ୍ରାଳୟ ଦ୍ୱାରା ଜାରି ନୂତନ ନିର୍ଦ୍ଦେଶାବଳୀ ଅନୁଯାୟୀ, ଜରୁରୀ କାର୍ଯ୍ୟକଳାପ ବ୍ୟତୀତ ରାତି ୧୦ରୁ ସକାଳ ୫ ଟା ମଧ୍ୟରେ ବ୍ୟକ୍ତିବିଶେଷଙ୍କ ଗତିବିଧି “ସମ୍ପୂର୍ଣ୍ଣ ନିଷେଧ” ରହିବ | ଅତ୍ୟାବଶ୍ୟକ ସାମଗ୍ରୀ ପରିବହନ ବ୍ୟତିରେକେ ବ୍ୟତୀତ ରାତି ୧୦ ରୁ ଭୋର ୫ଟା ଯାଏଁ ମଧ୍ୟରେ ସମସ୍ତ ଗତିବିଧି ନିଷେଧ ରହିବ। ଏ ନେଇ ସ୍ଥାନୀୟ କର୍ତ୍ତୃପକ୍ଷ ସିଆରପିସିର ଧାରା ୧୪୪ ଅଧୀନରେ [କର୍ଫ୍ୟୁ] ନିର୍ଦ୍ଦେଶନାମା ଜାରି କରିବା ସହ ଏହାକୁ କଠୋର ଭାବେ ଅନୁପାଳନ କରିବେ |