କିପରି ଖାରଜ ହେଲା ନିରବ ମୋଦିର ୩ୟ ଜାମିନ ଆବେଦନ ?
ଲଣ୍ଡନ : ଜେଲରେ ଥିବା ହୀରାବ୍ୟବସାୟୀ ତଥା ୧୩ ହଜାର କୋଟି ଟଙ୍କାର ପିଏନବି ଋଣ ଠକେଇ ମାମଲାର ମୁଖ୍ୟ ଅଭିଯୁକ୍ତ ନିରବ ମୋଦିର ଜାମିନ ଆବେଦନ ପୁଣି ଥରେ ଖାରଜ ହୋଇଯାଇଛି । ଏହାକୁ ମିଶାଇଲେ ନିରବ ମୋଦିଙ୍କ ମୋଟ ୩ ଥର ଜାମିନ ଆବେଦନ ଖାରଜ ହେଲାଣି । ଲଣ୍ଡନର େଓ୍ଵଷ୍ଟମିନିଷ୍ଟର ମାଜିଷ୍ଟ୍ରେଟ କୋର୍ଟ ଏହି ଜାମିନ ଆବେଦନକୁ ଖାରଜ କରିଛନ୍ତି । ଏହି ଜାମିନ ଆବେଦନକୁ ଖାରଜ କରି ଜଜ୍ ଏମା ଆବର୍ଟନଟ କହିଛନ୍ତି ଯେ ନିରବ ମୋଦି ନିଜର ଜମାନତ ରାଶିକୁ ୨ଗୁଣ କରି ୨ ନିୟୁତ ଡଲାର କରିବାକୁ ପ୍ରସ୍ତାବ ଦେଇଥିଲେ ମଧ୍ୟ ଜାମିନରେ ବାହାରିବା ପରେ ନିରବମ ମୋଦି ସାକ୍ଷୀ ପ୍ରମାଣରେ ହସ୍ତକ୍ଷେପ କରିପାରେ । ଏଣୁ ତାହାର ଜାମିନ ଆବେଦନକୁ ଖାରଜ କରାଗଲା ।
Sambad is now on WhatsApp
Join and get latest news updates delivered to you via WhatsApp
ତେବେ ନିରବ ମୋଦିର ଜାମିନ ଆବେଦନ ଖାରଜ ହେବା ପଛରେ ସେଠାରେ ଥିବା ଏନଫୋର୍ସମେଣ୍ଟ ଡାଇରୋକ୍ଟରେଟ (ଇଡି)ର ଏକ ଟିମର ହାତ ଥିବା କୁହାଯାଇଛି । ଗତକାଲି ଇଡି ଟିମ ଓ ଲଣ୍ଡନର କ୍ରାଉନ ପ୍ରସେକ୍ୟୁସନ ସର୍ଭିସ ମଧ୍ୟରେ ଏକ ବୈଠକ ହୋଇ ନିରବ ମୋଦି ବିରୋଧରେ ଆଉ କେତେକ ତଥ୍ୟ ପ୍ରମାଣ ଦିଆଯାଇଥିଲା । ଏହାକୁ ଆଜି କୋର୍ଟରେ ଦାଖଲ କରାଯାଇଥିଲା ।
ନିରବ ମୋଦି ଓ ତାଙ୍କ ମାମୁ ମେହୁଲ ଚୋକସୀ ପ୍ରାୟ ୧୩ ହଜାର କୋଟି ଟଙ୍କା ମୂଲ୍ୟର ପଞ୍ଜାବ ନ୍ୟାସନାଲ ବ୍ୟାଙ୍କ ଋଣ ଠକେଇ ମାମଲାର ମୁଖ୍ୟ ଅଭିଯୁକ୍ତ ଅଛନ୍ତି । ଏହି ଦୁଇଜଣ ଏବେ ଦେଶବାହାରକୁ ପଳାୟନ କରିଛନ୍ତି । ଦୁଇମାସ ତଳେ ବ୍ରିଟିଶ ପୋଲିସ ନିରବକୁ ଲଣ୍ଡନଠାରେ ଗିରଫ କରିଥିଲା ।