ଜଣାଶୁଣା ବଲିଉଡ୍ ଗୀତିକାର ତଥା ଊର୍ଦ୍ଦୁ କବି ରାହତ ଇନ୍ଦୋରୀଙ୍କ ପରଲୋକ, କରୋନାରେ ଆକ୍ରାନ୍ତ ଥିଲେ ଇନ୍ଦୋରୀ
ଇନ୍ଦୋର : କରୋନା ଭାଇରସ୍ ପଜିଟିଭ୍ ଚିହ୍ନଟ ହୋଇଥିବା ଜଣାଶୁଣା ବଲିଉଡ୍ ଗୀତିକାର ତଥା ଊର୍ଦ୍ଦୁ କବି ରାହତ ଇନ୍ଦୋରୀଙ୍କର ମଙ୍ଗଳବାର ହୃଦଘାତରେ ମୃତ୍ୟୁ ଘଟିଛି। ଅସୁସ୍ଥ ରାହତ ଇନ୍ଦୋରୀଙ୍କୁ ଚିକିତ୍ସା ପାଇଁ ଇନ୍ଦୋରର ଅରବିନ୍ଦ ହସ୍ପିଟାଲରେ ଭର୍ତ୍ତି କରାଯାଇଥିଲା। କିନ୍ତୁ ସେଠାରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ଘଟିଥିଲା। ମୃତ୍ୟୁ ବେଳକୁ ତାଙ୍କୁ ୭୦ ବର୍ଷ ବୟସ ହୋଇଥିଲା। ସଂଧ୍ୟା ପ୍ରାୟ ୫.୩୦ ସମୟରେ ତାଙ୍କର ପରଲୋକ ହୋଇଥିବା ସୂଚନା ରହିଛି।
Sambad is now on WhatsApp
Join and get latest news updates delivered to you via WhatsApp
ପୂର୍ବରୁ ରାହତ ଇନ୍ଦୋରୀ ସୋସିଆଲ୍ ମିଡିଆରେ ଜଣାଇଥିଲେ ଯେ କରୋନାର ପ୍ରାଥମିକ ଲକ୍ଷଣ ଦେଖାଯିବା ପରେ ସେ ପରୀକ୍ଷା କରିଥିଲେ। ପ୍ରସିଦ୍ଧ କବି ଇନ୍ଦୋରୀ ସୋସିଆଲ୍ ମିଡିଆରେ ନିଜ ସ୍ବାସ୍ଥ୍ୟ ସଂପର୍କିତ ପୂରା ତଥ୍ୟ ପ୍ରଦାନ କରିବେ ବୋଲି ନିଜର ପ୍ରଶଂସକମାନଙ୍କୁ ଜଣାଇଥିଲେ।
राहत साहब का Cardiac Arrest की वजह से आज शाम 05:00 बजे इंतेक़ाल हो गया है…..
उनकी मग़फ़िरत के लिए दुआ कीजिये….
— Dr. Rahat Indori (@rahatindori) August 11, 2020
ସେ ଏକ ଟ୍ବିଟ୍ କରି ଲେଖିଥିଲେ, ‘ଗତକାଲି କୋଭିଡ୍ -୧୯ ର ଲକ୍ଷଣ ଦେଖା ଦେବା ପରେ ମୋର କରୋନା ପରୀକ୍ଷା କରାଯାଇଥିଲା, ଯାହାର ରିପୋର୍ଟ ପଜିଟିଭ୍ ଆସିଛି। ପ୍ରାର୍ଥନା କରନ୍ତୁ, ମୁଁ ଏହି ରୋଗକୁ ଯଥା ଶୀଘ୍ର ପରାସ୍ତ କରିବି। ଆଉ ଏକ ଅନୁରୋଧ ଅଛି, ମୋତେ କିମ୍ବା ମୋ ଘର ଲୋକଙ୍କୁ କଲ୍ କରନ୍ତୁ ନାହିଁ। ଟ୍ୱିଟର ଏବଂ ଫେସବୁକରେ ମୋର ସ୍ୱାସ୍ଥ୍ୟ ସମ୍ବନ୍ଧୀୟ ଖବର ପାଇପାରିବେ ।’
कोविड के शरुआती लक्षण दिखाई देने पर कल मेरा कोरोना टेस्ट किया गया, जिसकी रिपोर्ट पॉज़िटिव आयी है.ऑरबिंदो हॉस्पिटल में एडमिट हूँ
दुआ कीजिये जल्द से जल्द इस बीमारी को हरा दूँएक और इल्तेजा है, मुझे या घर के लोगों को फ़ोन ना करें, मेरी ख़ैरियत ट्विटर और फेसबुक पर आपको मिलती रहेगी.
— Dr. Rahat Indori (@rahatindori) August 11, 2020
ଉଲ୍ଲେଖଯୋଗ୍ୟ, ରାହତ ଇନ୍ଦୋରୀ ଉର୍ଦ୍ଦୁ କବିତାର ଏକ ଜଣାଶୁଣା ବ୍ୟକ୍ତିତ୍ୱ ଥିଲେ ଏବଂ ଅନେକ ବଲିଉଡ ଗୀତ ରଚନା ମଧ୍ୟ କରିଛନ୍ତି। ‘ମୁନ୍ନା ଭାଇ ଏମବିବିଏସ୍’, ‘ମର୍ଡର’ ଆଦି ଚଳଚ୍ଚିତ୍ର ପାଇଁ ମଧ୍ୟ ଗୀତ ରଚନା କରିଛନ୍ତି ସେ।