ହିସାର: ଟିକ୍ ଟକ୍ ଷ୍ଟାର ତଥା ବିଜେପି ନେତ୍ରୀ ସୋନାଲି ଫୋଗଟ୍ ଅନେକ ସମୟରେ ବିଭିନ୍ନ ଖବରକୁ ନେଇ ଚର୍ଚ୍ଚାରେ ରହିଥାନ୍ତି । ଏଥର ସେ ଜଣେ ହରିୟାଣା କୃଷକ ବଜାର କମିଟିର ଅଧିକାରୀଙ୍କୁ ଚପଲରେ ପିଟିଥିବାରୁ ଚର୍ଚ୍ଚାର ପରିସରକୁ ଆସିଛନ୍ତି | ତାଙ୍କ ପ୍ରତି ହୋଇଥିବା ଅଶ୍ଳୀଳ ବ୍ୟବହାରକୁ ବିରୋଧ କରି ସେ ଏଭଳି କରିଥିବା ଜଣା ପଡିଛି | ତେବେ ଘଟଣା ସମୟର ଏକ ଭିଡ଼ିଓ ମଧ୍ୟ ସାମ୍ନାକୁ ଆସିଛି | ଯେଉଁଥିରେ ବିଜେପି ନେତ୍ରୀ ସୋନାଲି ଫୋଗଟ ଅଧିକାରୀଙ୍କୁ ମାଡ଼ ଉପରେ ମାଡ଼ ମାରି ଚାଲିଥିବା ଦେଖିବାକୁ ମିଳିଛି | ଘଟଣାଟି ଘଟିଛି ହରିୟାଣାର ହିସାରରେ |
Sambad is now on WhatsApp
Join and get latest news updates delivered to you via WhatsApp
ଶୁକ୍ରବାର ଦିନ ଏହି ଘଟଣା ସେତେବେଳେ ଘଟିଥିଲା ଯେତେବେଳେ ଶ୍ରୀମତୀ ଫୋଗଟ କୃଷକ ବଜାର ଯାଞ୍ଚ କରୁଥିଲେ। ଏହି ସମୟରେ ସୋନାଲି ଫୋଗଟ୍ ଅଧିକାରୀଙ୍କୁ କୃଷକଙ୍କ ଅଭିଯୋଗ ତାଲିକା ଦେଖାଇ ତାଙ୍କୁ ତାଗିଦ କରିଥିଲେ | କଥାର ସମାଧାନ କରିବା ପରିବର୍ତ୍ତେ ଅଧିକାରୀଜଣଙ୍କ ସୋନାଲି ଫୋଗଟଙ୍କୁ ‘ଡ୍ରାମେବାଜ’ ବୋଲି କହିଥିଲେ।
ଅଧିକାରୀଙ୍କଠାରୁ ଏଭଳି ଶବ୍ଦ ଶୁଣି ସେ ତାଙ୍କୁ ଚପଲ ଖୋଲି ପିଟିବା ଆରମ୍ଭ କରିଥିଲେ | ତେବେ ମାଡ଼ ଖାଇବା ପରେ ଅଧିକାରୀ ଜଣକ ଭିଡିଓରେ ସୋନାଲି ଫୋଗଟଙ୍କ ନିକଟରେ ନିବେଦନ କରୁଥିବା ଦେଖାଯାଇଛି | ସେ ତାଙ୍କ ଅଭିଯୋଗକୁ ଗୁରୁତ୍ୱ ଦେବା ସହ ତାହାର ସମାଧାନ କରିବେ ବୋଲି କହୁଥିବା ଭିଡ଼ିଓରେ ଦେଖିବାକୁ ମିଳିଛି | ତେବେ ଅଧିକାରୀଜଣକ ନିଜ ଭୁଲ ପାଇଁ କ୍ଷମା ମାଗିବା ପରେ ସୋନାଲି ଫୋଗଟ ତାଙ୍କ ବିରୋଧରେ କୌଣସି ଅଭିଯୋଗ କରି ନଥିବା ଜଣା ପଡିଛି |