ପେଟରେ ଯନ୍ତ୍ରଣା ନେଇ ଚିକିତ୍ସା ପାଇଁ ଯାଇଥିବା ମହିଳାଙ୍କୁ ଏଭଳି ଜିନିଷ ବ୍ୟବହାର କରିବାକୁ କହି ଫସିଲେ ଡାକ୍ତର
ନୂଆଦିଲ୍ଲୀ: ସରକାରୀ ଡାକ୍ତରଖାନାରେ ଚିକିତ୍ସା ସମୟରେ ରୋଗୀଙ୍କ ପ୍ରତି ଅବହେଳା କରାଯିବା ଖବର କିଛି ନୂଆ ନୁହେଁ । ଅନେକ ଥର ଏଭଳି ଘଟଣା ସାମ୍ନାକୁ ଆସି ସାରିଥିବା ବେଳେ ଝାଡ଼ଖଣ୍ଡର ଘାଟଶିଲାରେ ଏବେ ଏକ ଅଜବ ଘଟଣା ଘଟିଛି । ଜଣେ ମହିଳା ପେଟରେ ଯନ୍ତ୍ରଣା ନେଇ ଡାକ୍ତରଖାନାରେ ପହଞ୍ଚିବା ପରେ ଡାକ୍ତର ତାଙ୍କୁ ଔଷଧ ବଦଳରେ ଯାହା ବ୍ୟବହାର କରିବାକୁ କହିଥିଲେ, ତାକୁ ନେଇ ଏବେ ବିବାଦ ଆରମ୍ଭ ହୋଇ ଯାଇଛି ।
Sambad is now on WhatsApp
Join and get latest news updates delivered to you via WhatsApp
ବିଧାନସଭାରେ ଏହି ମାମଲାକୁ ନେଇ ଆଲୋଚନା କରାଯିବା ସହ ଝାଡ଼ଖଣ୍ଡ ମୁକ୍ତି ମୋର୍ଚ୍ଚାର ବିଧାୟକ କୁନାଲ ଷଡ଼ଙ୍ଗୀ ଡାକ୍ତରଙ୍କ ବିରୋଧରେ କାର୍ଯ୍ୟନୁଷ୍ଠାନ ଦାବି କରିଛନ୍ତି । ଏହି ମାମଲା ଏବେ ଏତେ ଗମ୍ଭୀର ହୋଇପଡ଼ିଛି କି, ଝାଡ଼ଖଣ୍ଡର ମୁଖ୍ୟମନ୍ତ୍ରୀ ଓ ସ୍ୱାସ୍ଥ୍ୟମନ୍ତ୍ରୀଙ୍କ କାନରେ ମଧ୍ୟ ଏହି କଥା ପଡ଼ି ସାରିଲାଣି ।
ସୂଚନା ମୁତାବକ, ଘାଟଶିଲାର ସରକାରୀ ଡାକ୍ତରଖାନାକୁ ଜୁଲାଇ ୨୩ରେ ଜଣେ ମହିଳା ଗ୍ୟାସ୍ ପାଇଁ ପେଟରେ ଯନ୍ତ୍ରଣା ହେବାରୁ ଚିକିତ୍ସା ପାଇଁ ଯାଇଥିଲେ । ଡାକ୍ତର ମହିଳାଙ୍କୁ ଦେଖି କାଗଜରେ କିଛି ଔଷଧର ନାଁ ଲେଖି ଦେଇଥିଲେ । ମହିଳା ସେହି କାଗଜକୁ ଧରି ଔଷଧ ଆଣିବାକୁ ଯିବା ପରେ ଡାକ୍ତର କାଗଜରେ ତାଙ୍କୁ କଣ୍ଡୋମ ବ୍ୟବହାର କରିବାକୁ କହିଥିବା ଜାଣିଥିଲେ । ଏହା ପରେ ସେ ଡାକ୍ତରଖାନା କର୍ତ୍ତୃପକ୍ଷଙ୍କୁ ଏ ନେଇ ଅଭିଯୋଗ କରିଥିଲେ । ଯାହା ପରେ ଧିରେ ଧିରେ ଖବର ପ୍ରସାର ହେବା ସହ ବିଧାନସଭାରେ ଏହା ଆଲୋଚନାର ବିଷୟ ପାଲଟି ସାରିଛି ।