‘ଆଖୁରସ’କୁ ଜାତୀୟ ପାନୀୟ ଘୋଷଣା କଲା ପାକିସ୍ତାନ

ଇସଲାମାବାଦ : ଶୁକ୍ରବାର ‘ଆଖୁରସ’କୁ ଜାତୀୟ ପାନୀୟ ଭାବେ ଘୋଷଣା କରିଛନ୍ତି ପାକିସ୍ତାନ ସରକାର। ପାକିସ୍ତାନ ସରକାର ଟ୍ବିଟରରେ ଏକ ଜନମତ ସର୍ଭେ କରିବା ପରେ ଏହି ନିଷ୍ପତ୍ତି ଘୋଷଣା କରିଛନ୍ତି।

What is the national juice of Pakistan?

— Govt of Pakistan (@pid_gov) January 24, 2019

ପାକିସ୍ତାନ ସରକାରଙ୍କ ପକ୍ଷରୁ ଜାତୀୟ ପାନୀୟ ନେଇ ତିନିଟି ବିକଳ୍ପ ଉପରେ ପ୍ରଶ୍ନ କରାଯାଇଥିଲା। ଜାତୀୟ ପାନୀୟ ଭାବେ କମଳାଲେମ୍ବୁ, ଗାଜର ଓ ଆଖୁ ମଧ୍ୟରୁ କେଉଁ ଫଳର ରସକୁ ଆପଣ ସପନ୍ଦ କରନ୍ତି ବୋଲି ପ୍ରଶ୍ନ କରାଯାଇଥିଲା। ଏହାର ଜବାବରେ ୮୧ ପ୍ରତିଶତ ଲୋକ ଆଖୁରସ ସପକ୍ଷରେ ମତ ରଖିଥିଲେ। କମଳା ରସ ସପକ୍ଷରେ ୧୫ ପ୍ରତିଶତ ମତ ଆସିଥିଲା ବେଳେ ଗାଜର ରସକୁ ମାତ୍ର ୪ ପ୍ରତିଶତ ସମର୍ଥନ ମିଳିଥିଲା।

ଭାରତ ଭଳି ପାକିସ୍ତାନରେ ମଧ୍ୟ ଆଖୁରସ ଖୁବ ଲୋକପ୍ରିୟ। ଆଖୁରସ ଶସ୍ତା ହୋଇଥିବା ବେଳେ ଶରୀର ଲାଗି ଉପକାରୀ।