ପ୍ରଧାନମନ୍ତ୍ରୀଙ୍କ ସହଯୋଗୀ ଏ.କେ ଶର୍ମା ହେଲେ ଉତ୍ତରପ୍ରଦେଶ ବିଜେପିର ଉପାଧ୍ୟକ୍ଷ
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ପାଖଲୋକ ବୋଲି କୁହାଯାଉଥିବା ପୂର୍ବତନ ଆଇଏଏସ ଅଧିକାରୀ ଏ.କେ ଶର୍ମା ଉତ୍ତରପ୍ରଦେଶ ରାଜନୀତିରେ ପ୍ରବେଶ କରିଛନ୍ତି । ଆଜି ଏ.କେ ଶର୍ମାଙ୍କୁ ରାଜ୍ୟ ବିଜେପିର ଉପାଧ୍ୟକ୍ଷ ଦାୟିତ୍ୱ ମିଳିଛି । ଗୁଜୁରାଟ କ୍ୟାଡରର ୧୯୮୮ ବ୍ୟାଚର ଆଇଏଏସ୍ ଅରବିନ୍ଦ ଶର୍ମାଙ୍କୁ ଜାନୁଆri ୨୦୨୧ ରେ ବିଜେପି ପ୍ରଦେଶ ଅଧ୍ୟକ୍ଷ ସ୍ୱତନ୍ତ୍ରଦେବ ସିଂ ଓ ଉପ-ମୁଖ୍ୟମନ୍ତ୍ରୀ ଦିନେଶ ଶର୍ମା ବିଜେପିର ସଦସ୍ୟତା ଦେଇଥିଲେ । ଏହାପରେ ସେ ଏମଏଲସି ନିର୍ବାଚନ ଭିତରେ ପୁରା ବିଜେପି ସହ ଯୋଡି ହୋଇଯାଇଥିଲେ । ପରେ ଦଳ ତାଙ୍କୁ ବିଧାନ ପରିଷଦର ସଭ୍ୟ କରିଥିଲା । ଏହାପରେ ଆଜି ତାଙ୍କୁ ଦଳର ରାଜ୍ୟ ଉପାଧ୍ୟକ୍ଷ ପଦରେ ବସାଇବା ପରେ ଦଳ ଭିତରେ କିିଛିଟା ଅସନ୍ତୁଷ୍ଟ ଦେଖିବାକୁ ମିଳିଥିବା ବେଳେ କିଛି ଦଳୀୟ ନେତା ଏହାକୁ ସହଜରେ ଗ୍ରହଣ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଉଲ୍ଲେଖଯୋଗ୍ୟ, କରୋନା କାଳରେ ଯେବେ ସଂକ୍ରମଣ ବଢୁଥିଲା ସେତେବେଳେ ଲୋକମାନଙ୍କୁ ସହାୟତା ଯୋଗାଇବାରେ ଅଗାଧାଡିରେ ଠିଆ ହୋଇଥିଲେ ଏ.କେ ଶର୍ମା । ସେ ପ୍ରଧାନମନ୍ତ୍ରୀଙ୍କ ସଂସଦୀୟ କ୍ଷେତ୍ର ବାରଣାସୀରେ କରୋନା ସମୟରେ ଲୋକଙ୍କୁ ସାହାଯ୍ୟ କରୁଥିଲେ । ଏହାପରେ ସେ ରାଜ୍ୟର ପୁରା ପୂର୍ବାଞ୍ଚଳର ଦାୟିତ୍ୱ ନେଇଥିଲେ । ଆଗାମୀ ବର୍ଷ ଉତ୍ତରପ୍ରଦେଶ ବିଧାନସଭା ନିର୍ବାଚନ ଅନୁଷ୍ଠିତ ହେବାକୁ ଥିବା ବେଳେ ଏ.କେ ଶର୍ମା ଦଳ ପାଇଁ କେତେ ଲାଭବାନ ହେଉଛନ୍ତି ତାହା ନିର୍ବାଚନ ପରେ ସ୍ପଷ୍ଟ ହେବ ।