ଗୌହାଟୀ: କେନ୍ଦ୍ର ପଶୁପାଳନ ଓ ଏମଏସଏମଇ ରାଷ୍ଟ୍ର ମନ୍ତ୍ରୀ ପ୍ରତାପ ଚନ୍ଦ୍ର ଷଡ଼ଙ୍ଗୀ ଦୁଇଦିନିଆ ଆସାମ ଗସ୍ତରେ ଯାଇ ବିଭିନ୍ନ ପ୍ରସଙ୍ଗରେ ଆଲୋଚନା କରିଥିଲେ | ସେ ଆସାମ ମୁଖ୍ୟମନ୍ତ୍ରୀ ସର୍ବାନନ୍ଦ ସୋନୱାଲଙ୍କୁ ଭେଟି ରାଜ୍ୟରେ କିଭଳି ଏମଏସଏମଇ ଶିଳ୍ପକୁ ବୃଦ୍ଧି କରିହେବ ସେ ବାବଦରେ ଆଲୋଚନା କରିଥିଲେ | ବିଶେଷ କରି ଆସାମରେ କିଭଳି ମସଲା ଶିଳ୍ପକୁ ପ୍ରୋତ୍ସାହନ ମିଳିପାରିବ ସେ ବାବଦରେ ମୁଖ୍ୟମନ୍ତ୍ରୀ କେନ୍ଦ୍ର ମନ୍ତ୍ରୀଙ୍କୁ ଅନୁରୋଧ କରିଥିଲେ |
Sambad is now on WhatsApp
Join and get latest news updates delivered to you via WhatsApp
ସେହିପରି ଆସାମର ମସଲା କିଭଳି ବିଦେଶକୁ ରପ୍ତାନି ହୋଇପାରିବ ସେ ନେଇ ସମସ୍ତ ସହଯୋଗ କରିବାକୁ ଶ୍ରୀ ଷଡ଼ଙ୍ଗୀ ଆସାମ ସରକାରଙ୍କୁ ଆଶ୍ୱାସନା ଦେଇଥିଲେ | ମସଲା ସହ ଦୁଗ୍ଧ ଓ ମାଛ ଉତ୍ପାଦନରେ କିଭଳି ଆସାମ ସ୍ୱାବଲମ୍ବୀ ହୋଇପାରିବ ସେ ନେଇ ଆସାମ ସରକାରଙ୍କ ସହ ଶ୍ରୀ ଷଡ଼ଙ୍ଗୀ ଆଲୋଚନା କରିଥିଲେ |
ଏହାପରେ କେନ୍ଦ୍ର ମନ୍ତ୍ରୀ ଗୌହାଟୀରେ ଥିବା ସତସଙ୍ଗ ବିହାର ପରିଦର୍ଶନ କରିଥିଲେ | ଏଠାରେ ଶ୍ରୀ ଶ୍ରୀ ଠାକୁର ଅନୁକୂଳ ଚନ୍ଦ୍ରଙ୍କ ପ୍ରତିମାକୁ ପ୍ରଣାମ ନିବେଦନ କରି ଆଶୀର୍ବାଦ ଭିକ୍ଷା କରିଥିଲେ | ଶ୍ରୀ ଷଡ଼ଙ୍ଗୀ ଏହି ଅବସରରେ କହିଥିଲେ ଯେ ଦେହର ମଇଳାକୁ ଆମେ ପାଣି ମାଧ୍ୟମରେ ଧୋଇପାରିବା କିନ୍ତୁ ମନର ମଇଳାକୁ କେବଳ ସତସଙ୍ଗ ରୂପକ ବର୍ଷାରେ ହିଁ ଧୋଇପାରିବା |
तन का मैल तो हम पानी से धो सकते हैं। लेकिन मन का मैल तो “सत्संग रुपी बारिश” से ही धुल सकता है। गुवाहाटी सत्संग विहार का कुछ झलक । pic.twitter.com/DEek0eD1js
— Pratap Sarangi (@pcsarangi) August 22, 2019