ଯେବେ ଏସବୁ ପ୍ରସଙ୍ଗରେ କହିଲି ମାଇକ ବନ୍ଦ କରିଦେଲେ: ରାହୁଲ
ଭୋପାଳ: କନ୍ୟାକୁମାରୀରୁ ଆରମ୍ଭ ହୋଇଥିବା ଭାରତ ଯୋଡ ଯାତ୍ରା ଆଜି ୮୧ତମ ଦିନରେ ଇନ୍ଦୋରରେ ପହଞ୍ଚିଛି। ଜନସାଧାରଣଙ୍କୁ ସମ୍ବୋଧିତ କରି ଇନ୍ଦୋରରେ ରାହୁଲ ଗାନ୍ଧୀ କହିଛନ୍ତି ଯେ ଆମେ ଏକୁଟିଆ ଯାତ୍ରା କରୁନାହୁଁ ବରଂ ସମଗ୍ର ଭାରତ ଆମ ସହ ଯାତ୍ରା କରୁଛି । ଦେଶର ସମସ୍ତ ଲୋକ ଆମ ସହିତ ଚାଲୁଛନ୍ତି | ରାହୁଲ ଗାନ୍ଧୀ କହିଛନ୍ତି ଯେ ଭାରତ ଯୋଡ ଯାତ୍ରାର ମୁଖ୍ୟ କାରଣ ହେଉଛି ଲୋକସଭାରେ ଆମର ସ୍ୱର ଶୁଣାଯାଏ ନାହିଁ। ସେ କହିଛନ୍ତି ଯେ ଆମେ ଲୋକସଭାରେ ଅନେକ ଥର ପ୍ରସଙ୍ଗ ଉଠାଇବାକୁ ଚେଷ୍ଟା କରିଛୁ।
Sambad is now on WhatsApp
Join and get latest news updates delivered to you via WhatsApp
ସେ ଅଭିଯୋଗ କରିଛନ୍ତି ଯେ ଯଦି କୃଷକଙ୍କ ଋଣ ଛାଡ କିମ୍ବା ଅନ୍ୟାନ୍ୟ ପ୍ରସଙ୍ଗ ଉପରେ ଆଲୋଚନା ହେଉଛି, ତେବେ ଆମର ମାଇକ୍ ବନ୍ଦ ହୋଇଯାଏ। ରାହୁଲ ଗାନ୍ଧୀ କହିଛନ୍ତି ଯେ ବିମୁଦ୍ରୀକରଣ ଏବଂ ଜିଏସଟି ଲାଗୁ କରିବା ଭାରତ ଇତିହାସରେ ସବୁଠାରୁ ଖରାପ କାର୍ଯ୍ୟ। ସେ କହିଛନ୍ତି ଯେ କୃଷକ, ଶ୍ରମିକ, ଯୁବକ ଏବଂ ଛୋଟ ଦୋକାନୀ ଏଥିରୁ ଲାଭବାନ ହୋଇନାହାଁନ୍ତି। ସେ ଅଭିଯୋଗ କରିଛନ୍ତି ଯେ ଚୀନ୍ ସେନା ଦେଶର ଯେଉଁ କ୍ଷତି କରିପାରିବ ନାହିଁ ତାହା କେବଳ ବିମୁଦ୍ରୀକରଣ ଏବଂ ଜିଏସଟି ଦ୍ୱାରା ହୋଇଛି। ରାହୁଲ ଅଭିଯୋଗ କରିଛନ୍ତି ଯେ ସରକାର ଦୁଇ ସାଙ୍ଗଙ୍କୁ ଲାଭ ଦେବା ପାଇଁ ଏହି କାମ କରିଛନ୍ତି |