ମୋଦୀଙ୍କୁ ସମାଲୋଚନା କଲେ ରାହୁଲ,ଦେଶରେ ଖେଳାଉଛନ୍ତି ଘୃଣାର ବିଷ
ବାୟନାଡ଼: ନିଜ ସଂସଦୀୟ କ୍ଷେତ୍ର ବାୟନାଡ଼ ଗସ୍ତରେ ଯାଇଛନ୍ତି କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ଶନିବାର ଏଠାରେ ଆୟୋଜିତ ଏକ ରୋଡ଼ ଶୋରେ ରାହୁଲ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଟାର୍ଗେଟ କରିଛନ୍ତି | ରାହୁଲ କହିଛନ୍ତି ଯେ ରାଷ୍ଟ୍ରୀୟ ସ୍ତରରେ ସେ ବିଷ ସହ ଲଢ଼ୁଛନ୍ତି | ଯେଉଁ ବିଷ ପ୍ରଧାନମନ୍ତ୍ରୀ ମୋଦୀ ପ୍ରୟୋଗ କରୁଛନ୍ତି | ମୋଦୀ ଦେଶକୁ ଭାଗ ଭାଗ କରିବା ପାଇଁ ଘୃଣାର ବିଷ ଖେଳାଉଛନ୍ତି | ମୋଦୀ ହିଂସା ଓ ଘୃଣାର ବିଷ ପ୍ରୟୋଗ କରି ନିର୍ବାଚନ ଜିତିବା ପାଇଁ ମିଛର ସାହାରା ନେଉଛନ୍ତି |
Sambad is now on WhatsApp
Join and get latest news updates delivered to you via WhatsApp
ରାହୁଲ କହିଛନ୍ତି ଯେ କେବଳ ବାୟନାଡ଼ର ସାଂସଦ ଭାବେ ନୁହଁ ବରଂ ସଂସଦରେ କେରଳର ଅସୁବିଧା ବାବଦରେ ପ୍ରସଙ୍ଗ ଉଠାଇବେ | ରାହୁଲ କହିଛନ୍ତି ଯେ ବାୟନାଡ଼ର ଯେ କୌଣସି ବ୍ୟକ୍ତି,ଯେଉଁ ବିଚାରଧାରାରେ ଆସନ୍ତୁ ନା କାହିଁକି ସେ ସମସ୍ତଙ୍କ ପାଇଁ କାମ କରିବେ | ଏଠାରେ ସୂଚନା ଥାଉ କି ତିନିଦିନିଆ ବାୟନାଡ଼ ଗସ୍ତରେ ରାହୁଲ ଯାଇଛନ୍ତି |
ଶୁକ୍ରବାର ରାହୁଲ ଏକ ରୋଡ଼ ଶୋରେ ଭାଗ ନେଇଥିଲେ | ତାଙ୍କୁ ଦେଖିବାକୁ ବହୁ ସଂଖ୍ୟାରେ ଲୋକଙ୍କର ଗହଳି ଦେଖିବାକୁ ମିଳିଥିଲା | ରାହୁଲ ୨୦୧୯ ଲୋକସଭା ନିର୍ବାଚନ ଅମେଥି ଓ ବାୟନାଡ଼ରୁ ଲଢ଼ିଥିଲେ | ତେବେ ଅମେଥିର ବିଜେପି ନେତ୍ରୀ ସ୍ମୃତି ଇରାନୀ ରାହୁଲଙ୍କୁ ପରାସ୍ତ କରିଥିଲେ |