ଶତ୍ରୁ ଆକ୍ରମଣରୁ ନିଜ ସାଟେଲାଇଟକୁ ସୁରକ୍ଷା ଦେବା ପାଇଁ ଭାରତ ନୂଆ ଟେକନଲୋଜୀର ବିକାଶ କରୁଛି
ନୂଆଦିଲ୍ଲୀ : ଗତ ମାର୍ଚ୍ଚ ୨୭ରେ ଭାରତ କରିଥିବା ଉପଗ୍ରହ ନିରୋଧୀ କ୍ଷେପଣାସ୍ତ୍ର ( ଏସାଟ୍)କୁ ସମଗ୍ର ବିଶ୍ୱରେ ଚର୍ଚ୍ଚା ଲାଗି ରହିଛି । ଆମେରିକାର ମହାକାଶ ଗବେଷଣା ସଂସ୍ଥା ନାସା ମଧ୍ୟ ଏହାକୁ ସ୍ୱୀକାର କରିବା ସହ ଏଥିରୁ ସୃଷ୍ଟି ହୋଇଥିବା ଧ୍ୱଂସାବଶେଷକୁ ନେଇ ଚିନ୍ତା ପ୍ରକଟ କରିଛି । କିନ୍ତୁ କେବଳ ଏହି କ୍ଷେପଣାସ୍ତ୍ର ଉପରେ ଭାରତ କାମ କରୁନାହିଁ, ବରଂ ଆଉ କିଛି ଉନ୍ନତ ଟେକନଲୋଜୀ ଉପରେ ମଧ୍ୟ ଭାରତ କାମ କରୁଛି ।
Sambad is now on WhatsApp
Join and get latest news updates delivered to you via WhatsApp
ଇଂରାଜୀ ଖବରକାଗଜ ଟାଇମ୍ସ ଅଫ ଇଣ୍ଡିଆରେ ପ୍ରକାଶିତ ଏକ ରିପୋର୍ଟ ଅନୁସାରେ ଭାରତ କେବଳ ଅନ୍ୟ ଦେଶର ସାଟେଲାଇଟକୁ ମାରି ଖସେଇବା ନୁହେଁ, କିଭଳି ନିଜ ସାଟେଲାଇଟର ସୁରକ୍ଷା କରିହେବ ସେ ଦିଗରେ ମଧ୍ୟ କାମ କରୁଛି । ଏସବୁ ଟେକନଲୋଜୀ ମଧ୍ୟରେ ରହିିଛି ଡିରେକ୍ଟେଡ୍ ଏନର୍ଜି େଓ୍ଵପନ୍ସ,କୋ-ଅର୍ବିଟାଲ କିଲର୍ସ, ଲେଜର ଓ ଇଲେକ୍ଟ୍ରୋ-ମାଗନେଟିକ ପଲ୍ସ । ଏସବୁ ଟେକନଲୋଜୀ ବ୍ୟବହାର କରି ଶତ୍ରୁର ସାଟେଲାଇଟକୁ ଧ୍ୱଂସ କିମ୍ବା ଅକାମୀ କରିହେବ । ଅନ୍ୟପକ୍ଷରେ ଶତ୍ରୁ ବାହ୍ୟ କିମ୍ବା ଇଲେକ୍ଟ୍ରୋନିକ ଆକ୍ରମଣରୁ ନିଜ ସାଟେଲାଇଟର ରକ୍ଷା ପାଇଁ ଭାରତ କେତେକ ଟେକନଲୋଜୀ ଉପରେ କାମ କରୁଛି । ଏ ସଂପର୍କରେ ଡିଆର଼ଡିଓ ମୁଖ୍ୟ ଜି.ସତୀଶ ରେଡ୍ଡୀ ସୂଚନା ଦେଇଛନ୍ତି ।