ଧାରା ୩୭୦ ଉଚ୍ଛେଦ କଶ୍ମୀରରେ ଆତଙ୍କବାଦର ଅବସାନ ଘଟାଇବ: ଅମିତ ଶାହା
ଚେନ୍ନାଇ: ରବିବାର ଦିନ କେନ୍ଦ୍ର ଗୃହମନ୍ତ୍ରୀ ଅମିତ ଶାହା କହିଛନ୍ତି ଯେ ସମ୍ବିଧାନର ୩୭୦ ଧାରାରେ ଜମ୍ମୁ ଓ କଶ୍ମୀରକୁ ମିଳୁଥିବା ସ୍ୱତନ୍ତ୍ର ପାହ୍ୟା ଉଚ୍ଛେଦ ସେ ଅଞ୍ଚଳରେ ଆତଙ୍କବାଦର ଅବସାନ ଘଟାଇବା ସହ ପ୍ରଗତିକୁ ବାଟ କଢ଼ାଇବ।
Sambad is now on WhatsApp
Join and get latest news updates delivered to you via WhatsApp
ଉପରାଷ୍ଟ୍ରପତି ଏମ୍ ଭେଙ୍କୟା ନାଇଡୁଙ୍କ ଉପରେ ରଚିତ ଏକ ପୁସ୍ତକ ଉନ୍ମୋଚନ ଅବସରରେ ଶାହା କହିଲେ ତାଙ୍କର ଦୃଢ଼ ବିଶ୍ୱାସ ଯେ ଦେଶ ପାଇଁ ହିତକାରୀ ହୋଇ ନ ଥିବାରୁ ଜମ୍ମୁ ଓ କଶ୍ମୀରକୁ ସ୍ୱତନ୍ତ୍ର ପାହ୍ୟା ପ୍ରଦାନ କରୁଥିବା ଧାରା ୩୭୦ ଉଚ୍ଛେଦ ହେବା ଉଚିତ।
ସେ କହିଲେ: ଜଣେ ସାଂସଦ ଭାବେ ମୁଁ ଦୃଢ଼ ବିଶ୍ୱାସ କରୁଛି ଯେ ଧାରା ୩୭୦ ବହୁ ଦିନ ତଳୁ ଉଠାଇ ନିଆଯିବା ଉଚିତ ଥିଲା। ଜଣେ ଗୃହମନ୍ତ୍ରୀ ଭାବେ ଧାରା ୩୭୦ ଉଚ୍ଛେଦର ପରିଣାମ ବିଷୟରେ ମୋ ମନରେ କୌଣସି ଭ୍ରାନ୍ତି ନ ଥିଲା। ମୁଁ ନିଶ୍ଚିତ ଯେ ଏବେ କଶ୍ମୀରରେ ଆତଙ୍କବାଦର ଅବସାନ ଘଟିବ ଏବଂ କଶ୍ମୀର ବିକାଶ ପଥରେ ଗତି କରିବ।