ମମତା ଦିଦି ଟିକେ ତ ଲାଜ କରନ୍ତୁ, ମୃତ ଲୋକଙ୍କ ସହ ବି ଆପଣ ରାଜନୀତି କରୁଛନ୍ତି: ଅମିତ ଶାହା
କୋଲକାତା: ପଶ୍ଚିମବଙ୍ଗ ବିଧାନସଭା ନିର୍ବାଚନ ପରିପ୍ରେକ୍ଷୀରେ ଆଜି କେନ୍ଦ୍ର ଗୃହମନ୍ତ୍ରୀ ଅମିତ ଶାହା ରବିବାର ଦିନ ରାଜ୍ୟରେ କ୍ରମାଗତ ଦ୍ୱିତୀୟ ଦିନ ପାଇଁ ନିର୍ବାଚନ ସମାବେଶକୁ ସମ୍ବୋଧିତ କରି ମମତା ବାନାର୍ଜୀଙ୍କ ଉପରେ ଆକ୍ରମଣ କରିଥିଲେ। ପୂର୍ବ ବର୍ଦ୍ଧମାନ ଜିଲ୍ଲାର ପୁର୍ବସ୍ଥଳୀଠାରେ ଏକ ରାଲିରେ ଶାହା କହିଛନ୍ତି ଯେ ମମତା ଦିଦି ଶାସନର ଏକ ନୂତନ ମଡେଲ ଆରମ୍ଭ କରିଛନ୍ତି ଯେଉଁଥିରେ ବୋମା, ବନ୍ଧୁକ ଏବଂ ବିସ୍ଫୋରକ ସାମଗ୍ରୀ ରହିଛି । ଆମେ ଏହାକୁ ପରିବର୍ତ୍ତନ କରି ବିକାଶ, ବିଶ୍ୱାସ ଏବଂ ଶିଳ୍ପ ଆଣିବାକୁ ଚାହୁଁଛୁ |
Sambad is now on WhatsApp
Join and get latest news updates delivered to you via WhatsApp
ସେ କହିଛନ୍ତି ଯେ. ‘ନିକଟରେ ଦିଦିଙ୍କ ଏକ ଅଡିଓ ସାମ୍ନାକୁ ଆସିଛି। ଯେଉଁଥିରେ ସେ କହିଛନ୍ତି ଯେ କୁଚବିହାରରେ ଯେଉଁ ଚାରିଜଣଙ୍କର ମୃତ୍ୟୁ ହୋଇଥିଲା ସେମାନଙ୍କରଏକ ଶୋଭାଯାତ୍ରା କରିବାକୁ ପଡିବ। ଦିଦି, ଟିକେ ତ ଲାଜ ରଖନ୍ତୁ, ଆପଣ ମୃତ ଲୋକମାନଙ୍କ ସହିତ ମଧ୍ୟ ରାଜନୀତି କରୁଛନ୍ତି । ଶାହା ଆହୁରି କହିଛନ୍ତି ଯେ ଭାରତରେ ସାଧାରଣତ ଏକ ପ୍ରକାର ନାଗରିକ ଅଛନ୍ତି, କିନ୍ତୁ ପଶ୍ଚିମବଙ୍ଗରେ ତିନି ପ୍ରକାରର ନାଗରିକ ଅଛନ୍ତି | ପ୍ରଥମ ନାଗରିକ ହେଉଛନ୍ତି ଅନୁପ୍ରବେଶକାରୀ, ଯାହାଙ୍କୁ ଦିଦି ବହୁତ ବହୁତ ପସନ୍ଦ କରନ୍ତି | ଦ୍ଵିତୀୟରେ ସାଧାରଣ ଲୋକ, ଯେପରିକି ଆପଣ ଏବଂ ମୁଁ | ତୃତୀୟରେ ଶରଣାର୍ଥୀ ରହିଛନ୍ତି, ଯେଉଁମାନେ ପ୍ରାୟ ୭୦ ବର୍ଷ ଧରି ନାଗରିକତ୍ୱ ପାଇ ନାହାଁନ୍ତି ଏବଂ ଭଲ ଜୀବନ ବିତାଇ ପାରୁନାହାଁନ୍ତି | ସେମାନେ ନାଗରିକତ୍ୱ ପାଇବା ଉଚିତ ଏବଂ ବିଜେପି ସେମାନଙ୍କୁ ଏହା ଯୋଗାଇବ |
ଶାହା ଆହୁରି କହିଛନ୍ତି ଯେ ପଶ୍ଚିମବଙ୍ଗର ବିକାଶ ପାଇଁ ଦିଦିଙ୍କର କୌଣସି ଏଜେଣ୍ଡା ନାହିଁ। ଦିଦି ନିଜର ୧୨ ମିନିଟ୍ ଭାଷଣରେ ୧୦ ମିନିଟ ଧରି ମୋଦୀ ଏବଂ ମୋତେ ସମାଲୋଚନା କରନ୍ତି ଆଉ ଦୁଇ ମିନିଟ୍ ସୁରକ୍ଷା ବାହିନୀକୁ ଗାଳି କରନ୍ତି | ପଶ୍ଚିମବଙ୍ଗର ଯୁବକମାନେ ଆଜି ରୋଜଗାର ପାଇଁ ବାହାରକୁ ଯାଉଛନ୍ତି। ଆମେ ନିଷ୍ପତ୍ତି ନେଇଛୁ ଯେ ପାଞ୍ଚ ବର୍ଷ ମଧ୍ୟରେ ବିଜେପି ସରକାର ପ୍ରତ୍ୟେକ ପରିବାରର ଜଣେ ବ୍ୟକ୍ତିଙ୍କୁ ଚାକିରି ଦେବ |