କେତେକ ଦେଶ ଚାହୁଁଛନ୍ତି ଏଫଏଟିଏଫ୍ ଖଣ୍ଡା ସବୁବେଳେ ପାକିସ୍ତାନ ଉପରେ ଝୁଲୁଥାଉ : ଭାରତକୁ ଇଙ୍ଗିତ କରି ପାକ୍ ମନ୍ତ୍ରୀଙ୍କ ବୟାନ
ଇସଲାମାବାଦ : ଅନ୍ତର୍ଜାତୀୟ ସ୍ତରରେ ବେଆଇନ ଅର୍ଥ କାରବାର ଉପରେ ନଜର ରଖୁଥିବା ସଂସ୍ଥା ଫାଇନାନ୍ସିଆଲ ଆକ୍ସନ ଟାସ୍କଫୋର୍ସ (ଏଫଏଟିଏଫ) ପୁଣି ଥରେ ପାକିସ୍ତାନକୁ ଧୂସର ତାଲିକାରେ ବଜାର ରଖିବାକୁ ନିଷ୍ପତ୍ତି ନେଇଛି । ତେବେ ଏଫଏଟିଏଫର ଏହି ନିଷ୍ପତ୍ତିକୁ ପାକିସ୍ତାନ ସରକାର ସମାଲୋଚନା କରିବା ସହ ଏହା ପଛରେ କେତେକ ନିର୍ଦ୍ଦିଷ୍ଟ ଦେଶକୁ ଦାୟୀ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ପାକିସ୍ତାନର ବୈଦେଶିକ ମନ୍ତ୍ରୀ ଶାହ ମହେମୁଦ କୁରେସୀ କହିଛନ୍ତି ଯେ ୨୭ଟି ମାନଦଣ୍ଡରୁ ୨୬ଟି ପୂରଣ କରିବା ସତ୍ତ୍ବେ ପାକିସ୍ତାନକୁ ପୁଣି ଧୂଷର ତାଲିକାରେ ରଖାଯିବା ଦୂର୍ଭାଗ୍ୟଜନକ । ଏଫଏଟିଏଫ ଏକ ଟେକନିକାଲ ସଂସ୍ଥା ବା ରାଜନୈତିକ ସଂସ୍ଥା ତାହା ଜଣାପଡ଼ୁନାହିଁ । ଏଫଏଟିଏଫକୁ ରାଜନୈତିକ କାରଣରୁ ବ୍ୟବହାର କରାଯାଉଛି ଓ କେତେକ ଦେଶ ଚାହୁଁଛନ୍ତି ଯେ ପାକିସ୍ତାନ ମୁଣ୍ଡ ଉପରେ ସବୁବେଳେ ଏଫଏଟିଏଫ ଖଣ୍ଡା ଝୁଲୁଥାଉ । ଭାରତକୁ ଇଙ୍ଗିତ କରି ସେ ଏକଥା କହିଥିବା ଅନୁମାନ କରାଯାଉଛି ।
ସୂଚନାଯୋଗ୍ୟ ଯେ ପ୍ରତିଶ୍ରୁତି ମୁତାବକ ଆତଙ୍କବାଦୀଙ୍କୁ ପାଣ୍ଠିଯୋଗାଣ ବନ୍ଦ କରିବା ଦିଗରେ କୌଣସି ଆଖିଦୃଶିଆ ପଦକ୍ଷେପ ନେଉନଥିବାରୁ ପାକିସ୍ତାନ ଏଫଏଟିଏଫ ଗତ ୨୦୧୮ରୁ ଗ୍ରେ (ଧୂସର) ତାଲିକାରେ ରଖିଛି । ଗତ କାଲି ପୁଣି ପାକିସ୍ତାନକୁ ଧୂଷର ତାଲିକାରେ ରଖିବାକୁ ଏଫଏଟିଏଫ ନିଷ୍ପତ୍ତି ନେଇଥିଲା ।