ଆର୍ଥିକ ସଂକଟ ଦୂର କରିବ ମଦ ! ଟିକସ ବୃଦ୍ଧି କଲେ ବିଭିିନ୍ନ ରାଜ୍ୟ
ନୂଆଦିଲ୍ଲୀ : ଦେଶର କେତେକ ରାଜ୍ୟରେ ମଦ ଦୋକାନ ଖୋଲିବା ପରେ ମଦ କିଣିବା ପାଇଁ ଲୋକମାନେ ପ୍ରବଳ ଗହଳି କରୁଥିବା ଦେଖିବାକୁ ମିଳୁଛି । ଏଥିପାଇଁ ପୁଲିସକୁ ନାକେଦମ ହେବାକୁ ପଡ଼ୁଛି । ତେବେ ଏହି ମୌକାରେ ରାଜ୍ୟ ସରକାରମାନେ ନିଜ ନିଜର ରାଜସ୍ୱ ବୃଦ୍ଧି କରିବାକୁ ଉଦ୍ୟମ ଆରମ୍ଭ କରିଦେଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଦେଶର କେତେକ ରାଜ୍ୟ ଯଥା ଉତ୍ତରପ୍ରଦେଶ, ଦିଲ୍ଲୀ, ଆସାମ,କର୍ଣ୍ଣାଟକ, ଛତିଶଗଡ଼, ରାଜସ୍ଥାନ ଆଦି ରାଜ୍ୟ ମଦ ଉପରେ ଟିକସ ପରିମାଣକୁ ବୃଦ୍ଧି କରିଦେଇଛନ୍ତି । ଦିଲ୍ଲୀ ସରକାର ମଦ ଉପରେ କରୋନା ଟିକସ ବସାଇବା ପରେ ମଦ ମୂଲ୍ୟ ୭୦ ପ୍ରତିଶତ ପର୍ଯ୍ୟନ୍ତ ବୃଦ୍ଧି ପାଇଛି । ସେହିପରି ଆନ୍ଧ୍ରପ୍ରଦେଶ ସରକାର ମଧ୍ୟ ମଦ ଉପରେ ଉତ୍ପାଦ ଶୁଳକ ୭୫ ପ୍ରତିଶତ ପର୍ଯ୍ୟନ୍ତ ବୃଦ୍ଧି କରିବାକୁ ସଂକେତ ଦେଇଛନ୍ତି । ପଶ୍ଚିମ ବଙ୍ଗ ସରକାର ମଦ ଉପରେ ଉତ୍ପାଦ ଶୁଳକ ୩୦ ପ୍ରତିଶତ ଓ ରାଜସ୍ଥାନ ସରକାର ୧୦ ପ୍ରତିଶତ ବୃଦ୍ଧି କରିଛନ୍ତି । ଉତ୍ତରପ୍ରଦେଶ ସରକାର ବିଭିନ୍ନ ବୋତଲ ଉପରେ ୫ରୁ ୪୦୦ ଟଙ୍କା ପର୍ଯ୍ୟନ୍ତ ବୃଦ୍ଧି କରିଛନ୍ତି ।
ଲକଡାଉନ ଯୋଗୁଁ ବିଭିନ୍ନ ଶିଳ୍ପ ସଂସ୍ଥା ଓ ବ୍ୟବସାୟ ବନ୍ଦଥିବାରୁ ରାଜ୍ୟ ସରକାରମାନଙ୍କ ରାଜସ୍ୱ ହ୍ରାସ ପାଇଛି । ଏହା ଫଳରେ କରୋନା ମୁକାବିଲା କରୁଥିବା ରାଜ୍ୟମାନେ ଆର୍ଥିକ ସଂକଟରେ ପଡ଼ିଛନ୍ତି । ମଦ ଉପରେ ଟିକସ ବୃଦ୍ଧି କରି ରାଜ୍ୟ ସରକାରମାନେ ନିଜର ରାଜସ୍ୱ ହାନୀକୁ କେତେକାଂଶରେ ଭରଣା କରିବାକୁ ଚାହୁଁଛନ୍ତି ।