ରାଜସ୍ଥାନର ଏକ କ୍ରିକେଟ ଟୁର୍ଣ୍ଣାମେଣ୍ଟରେ ଭାଗ ନେଲା ତାଲିବାନ ଟିମ !
ନୂଆଦିଲ୍ଲୀ: ଆଫଗାନିସ୍ତାନରେ ତାଲିବାନର ଦଖଲ ପରେ ସାରା ବିଶ୍ୱରେ ଏହାକୁ ନେଇ ଚର୍ଚ୍ଚା ସୃଷ୍ଟି ହୋଇଥିବାବେଳେ ଏହି ଉଗ୍ରବାଦୀ ସଂଗଠନର ନାମକୁ ନେଇ ରାଜସ୍ଥାନରେ ମଧ୍ୟ କ୍ରିକେଟ୍ ପଡ଼ିଆରେ ବିବାଦ ଦେଖାଦେଇଛି । ସୂଚନା ମୁତାବକ ରାଜସ୍ଥାନର ଜୈସାଲମେର ଜିଲ୍ଲାର ଭାନିଆନା ଗ୍ରାମରେ ଏକ କ୍ରିକେଟ୍ ଟୁର୍ଣ୍ଣାମେଣ୍ଟ ଚାଲିଛି। ଏହି ଟୁର୍ଣ୍ଣାମେଣ୍ଟରେ ‘ତାଲିବାନ’ ନାମକ ଏକ ଦଳ ଅଂଶଗ୍ରହଣ କରିଥିଲା, ଯାହାକୁ ନେଇ ଗାଁରେ ବିବାଦ ସୃଷ୍ଟି ହୋଇଛି |
Sambad is now on WhatsApp
Join and get latest news updates delivered to you via WhatsApp
ତେବେ କ୍ରିକେଟ୍ ଟୁର୍ନାମେଣ୍ଟର ଆୟୋଜକମାନେ କହିଛନ୍ତି ଯେ ‘ତାଲିବାନ’ ନାମକ ଦଳ ଭୁଲରେ ଭାଗ ନେଇଥିଲା | ଆଉ ବର୍ତ୍ତମାନ ଏହି ଟୁର୍ଣ୍ଣାମେଣ୍ଟରୁ ସେମାନଙ୍କୁ ବାଦ ଦିଆଯାଇଛି | ଆୟୋଜକ ଗୋଷ୍ଠୀର ଜଣେ ସଦସ୍ୟ କହିଛନ୍ତି ଯେ ଟୁର୍ଣ୍ଣାମେଣ୍ଟର ପ୍ରଥମ ମ୍ୟାଚ୍ ପରେ ଦଳକୁ ବାହାର କରିଦିଆଯାଇଛି |
ଆୟୋଜକ କହିଛନ୍ତି ଯେ ଅନଲାଇନ୍ ସ୍କୋରିଂ ହେତୁ ଏଥର ଏହା ଘଟିଛି। ଆୟୋଜକ ଏବଂ ଗ୍ରାମବାସୀଙ୍କ ତରଫରୁ ସେ କ୍ଷମା ମାଗିଛନ୍ତି ଏବଂ ଭବିଷ୍ୟତରେ ଏହା ଆଉ ଘଟିବ ନାହିଁ ବୋଲି ଆଶ୍ୱାସନା ଦେଇଛନ୍ତି।