ନିଲାମ ହେବ ବୈଜ୍ଞାନିକ ଆଇନଷ୍ଟାଇନଙ୍କ ପ୍ରିୟ ଖେଳନା, ୪୩ ଲକ୍ଷ ଟଙ୍କାରେ ବିକ୍ରି ହେବାର ସମ୍ଭାବନା
ନ୍ୟୁୟର୍କ: ନୋବେଲ ପୁରସ୍କାର ବିଜେତା ତଥା ଖ୍ୟାତନାମା ବୈଜ୍ଞାନିକ ଆଲବର୍ଟ ଆଇନଷ୍ଟାଇନଙ୍କ ସବୁଠାରୁ ପ୍ରିୟ କ୍ରୀଡା ଉପକରଣ ବା ଖେଳନା ନିଲାମ ହେବାକୁ ଯାଉଛି | ନିଲାମ ପୂର୍ବରୁ ଏହା ସର୍ବାଧିକ ୪୩ ଲକ୍ଷ ଟଙ୍କାରେ ବିକ୍ରି ହେବ ବୋଲି ଆକଳନ କରାଯାଇଛି | ଆଇନଷ୍ଟାଇନ ନିଜର ପ୍ରିୟ ଖେଳନା ମୋଜାଇକ ପର୍ଲ ଗେମ ବା ଗୋଲକ ଧନ୍ଦାକୁ ସବୁବେଳେ ନିଜ ପାଖରେ ରଖିଥିଲେ | ୧୯୫୫ ମସିହାରେ ଆଇନଷ୍ଟାଇନଙ୍କ ନିଧନ ପରେ ଏହି ଗୋଲକ ଧନ୍ଦା ପ୍ରଣାଳୀକୁ ଜାପାନର ଟୋକିଓରେ ଥିବା ମିସୁଆ ଆଇଡା ସଂଗ୍ରହାଳୟରେ ରଖାଯାଇଥିଲା | ଏବେ ଏହାକୁ ନିଲାମ କରାଯିବ ବୋଲି ଜଣାପଡିଛି |
Sambad is now on WhatsApp
Join and get latest news updates delivered to you via WhatsApp
ଖେଳନା ମୋଜାଇକ ପର୍ଲ ଗେମରେ ୫୨୦ଟି ରଙ୍ଗୀନ ମୋତି ଥିବାବେଳେ ଏହି ମୋତିକୁ ନେଇ ପାଟର୍ନ ଗଠନ କରିବାକୁ ପଡିଥାଏ | କାଠବାକ୍ସରେ ଆବଦ୍ଧ ଥିବା ଏହି ମୋତିକୁ ସଜାଇବା ପାଇଁ ବୁଦ୍ଧିର ଆବଶ୍ୟକ ହୋଇଥାଏ | ନିଲାମକର୍ତ୍ତାଙ୍କ ପକ୍ଷରୁ କୁହାଯାଇଛି ଯେ ଛୋଟ ଛୋଟ ପିଲା ଓ ଯୁବକଙ୍କ ବୁଦ୍ଧି ବିକାଶ ପାଇଁ ଏହି ଖେଳନାରେ ଭରପୁର ଉପାଦାନ ମହଜୁଦ ରହିଛି |
ଆଲବର୍ଟ ଆଇନଷ୍ଟାଇନ ଆପେକ୍ଷିକ ତତ୍ତ୍ୱ ତିଆରି କରିଥିଲେ ଯାହା ଭୌତିକ ବିଜ୍ଞାନରେ ବିପ୍ଳବ ସୃଷ୍ଟି କରିଥିଲା । ସେ ଆପେକ୍ଷିକ ତତ୍ତ୍ୱ ଏବଂ ବସ୍ତୁତ୍ୱ ଶକ୍ତି ସମୀକରଣ E = mc2 ପାଇଁ ସବୁଠୁ ଅଧିକ ଜଣାଶୁଣା ଥିଲେ । ତାଙ୍କୁ ସୈଦ୍ଧାନ୍ତିକ ଭୌତିକ ବିଜ୍ଞାନ, ବିଶେଷତଃ ଆଲୋକ-ବିଦ୍ୟୁତ ବିକିରଣର ସନ୍ଧାନ ପାଇଁ ୧୯୨୧ରେ ନୋବେଲ୍ ପୁରସ୍କାର ଦିଆଯାଇଥିଲା ।