ମାଟିରେ ମିଶିଲା ଟ୍ରମ୍ଫ ପ୍ଲାଜା : ଡିନାମାଇଟ୍ ଲଗାଇ ଉଡ଼ାଇ ଦିଆଗଲା ୩୪ ମହଲା ବିଶିଷ୍ଟ ହୋଟେଲ୍
ଆଟଲାଣ୍ଟିକ୍ ସିଟି : ମାଟିରେ ମିଶିଲା ଟ୍ରମ୍ପ ପ୍ଲାଜା । ଆମେରିକାର ପୂର୍ବତ୍ତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଦ୍ବାରା ନିର୍ମିତ ଏକ ଭବ୍ୟ ହୋଟେଲ୍ ଓ କ୍ୟାସିନୋ ଟ୍ରମ୍ଫ ପ୍ଲାଜାକୁ ହଜାର ହଜାର ସଂଖ୍ୟାରେ ଡାଇନାମାଇଟ୍ ଲଗାଇ ଭାଙ୍ଗି ଦିଆଯାଇଛି । ଆମେରିକାର ଆଣ୍ଟଲାଣ୍ଟିକ ସହରରେ ଟ୍ରମ୍ଫ ପ୍ଲାଜା ହୋଟେଲ୍ କସିନୋ ପାଇଁ ବେଶ୍ ଜଣାଶୁଣା ଥିଲା । କିନ୍ତୁ ଏବେ ଏହି ବହୁତଳ ବିଶିଷ୍ଟ ହୋଟେଲକୁ ୩ ହଜାର ଡାଇନାମାଇଟ୍ ଲଗାଇ ମାଟିରେ ମିଶାଇ ଦିଆଯାଇଛି । ଆଉ ସେହି ସମୟର ଦୃଶ୍ୟକୁ ଲୋକେ ଲାଇଭ୍ ଷ୍ଟ୍ରିମିଂ ଜରିଆରେଦେଖିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଟ୍ରମ୍ପ ପ୍ଲାଜା ୧୯୮୪ ମସିହାରେ ଖୋଲାଯାଇଥିଲା ଏବଂ ୨୦୧୪ରେ ଏହାକୁ ବନ୍ଦ କରିଦିଆଯାଇଥିଲା । ଘୁର୍ଣ୍ଣିବାତ୍ୟାରେ କ୍ଷତିଗ୍ରସ୍ତ ହୋଇ ଟ୍ରମ୍ଫ ପ୍ଲାଜା ଅଟ୍ଟାଳିକା ଅସୁରକ୍ଷିତ ହୋଇପଡିଥିଲା ।ତେଣୁ ଏହାକୁ ଭାଙ୍ଗିବା ପାଇଁ ନିର୍ଦ୍ଦେଶ ଦେଇଥିଲେ ସହରର ମେୟର ମାର୍ଟିନ୍ ସ୍ମାଲ । ସବୁଠୁ ବଡ କଥା ହେଉଛି, ଯେତେବେଳେ ଏହି ବିଲ୍ଡିଂକୁ ଭଙ୍ଗାଯାଉଥିଲା ସେତେବେଳେ କେବଳ ହଜାର ହଜାର ଲୋକ ଦେଖୁଥିଲେ ତା’ ନୁହେଁ ଏହାର ଲାଇଭ୍ ଟେଲିକାଷ୍ଟ ମଧ୍ୟ ହେଉଥିଲା ।
Atlantic City invited onlookers to watch as the city used a controlled demolition to bring down the Trump Plaza Hotel and Casino on the New Jersey waterfront pic.twitter.com/NlRP5v7hkP
— Reuters (@Reuters) February 17, 2021
୩୪ ମହଲା ବିଶିଷ୍ଟ ଏହି ଅଟ୍ଟାଳିକା ମାତ୍ର ୨୦ ସେକେଣ୍ଟ ମଧ୍ୟରେ ଭାଙ୍ଗି ମାଟିରେ ମିଶିଗଲା । ଆଉ ସେହି ସମୟର ଦୃଶ୍ୟ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ସେପଟେ ସ୍ଥନୀୟ ମେୟରଙ୍କ କହିବାକଥା, ଏହି ବିଲ୍ଡିଂ ଭାଙ୍ଗିବା ପରେ ଏହାର ଭଗ୍ନାଶଂ ପ୍ରାୟ ୮ମହଲା ଉଚ୍ଚାର ଗଦା ହୋଇ ରହିଛି । ଆଉ ଏହାକୁ ସଫା କରିବା ପାଇଁ ଜୁନ୍ ମାସ ଯାଏ ସମୟ ଲାଗିବ ।