ଭୁଲବଶତଃ ଚିତାବାଘ ଯନ୍ତାରେ ଫସିଗଲେ ବୃଦ୍ଧା, ଜାଣନ୍ତୁ କ’ଣ ହେଲା ତା’ ପରେ..
ତପି(ଗୁଜୁରାଟ) : ବୁଧବାର ଗୁରୁରାଟର ତପି ଜିଲ୍ଲାରେ ଜଣେ କମଲୀ ନାମକ ବୃଦ୍ଧା ଚିତାବାଘ ଯନ୍ତାରେ ପଶି ଯାଇଥିଲେ । ଦେହ ଥରା ଜାଡ଼ରେ ସେ ବିନା କୌଣସି ଶୀତ ବସ୍ତ୍ରରେ ଯନ୍ତା ଭିତରେ ଫସି ରହିଥିଲେ। ତାଙ୍କୁ କେହି ଦେଖି ନ ପାରିବାରୁ ଗୋଟେ ରାତି ସେ ଯନ୍ତା ଭିତରେ ଫସି ରହିଥିଲେ । ନିଜର ଚିକିତ୍ସା କରାଇବା ପାଇଁ ସ୍ଥାନୀୟ ଏକ ଔଷଧାଳୟ ଯାଇଥିବା ବେଳେ ସେଠାରୁ ଫେରୁଥିବା ସମୟରେ ସେ ଅଜାଣତରେ ଚିତାବାଘ ଯନ୍ତାରେ ପଶି ଯାଇଥିଲେ । ଶୀତ କାକରରେ ରାତି ରହିବା ପରେ ତାଙ୍କୁ ସୁରକ୍ଷିତ ଭାବରେ ଉଦ୍ଧାର କରାଯାଇଥିବା ଜଣାପଡ଼ିଛି । ଏତେ ଶୀତରେ ରାତି ରହିବା ପରେ ତାଙ୍କୁ ଥଣ୍ଡା ଜ୍ୱର ହୋଇ ଯାଇଥିବା ବେଳେ ତାଙ୍କର ଚିକିତ୍ସା ଜାରି ରହିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଲୋଟାର୍ଭା ଗାଁରେ ଚିତାବାଘ ବୁଲୁଥିବାର ଖବର ପାଇବା ପରେ ବନ ବିଭାଗ କର୍ମଚାରୀ ସେଠାରେ ଚିତାବାଘକୁ ଧରିବା ପାଇଁ ଯନ୍ତା ବସାଇଥିଲେ । କମ୍ଲୀ ଘରକୁ ଫେରୁଥିବା ବେଳେ ଅନ୍ଧାର ହୋଇଯିବାରୁ ସେ ଦେଖି ନ ପାରି ଯନ୍ତା ଭିତରେ ପଶି ଯାଇଥିଲେ । ଯାହାର କବାଟ ଆପେ ଆପେ ଲକ୍ ହୋଇ ଯାଇଥିଲା । ସକାଳୁ ଗାଁ ଲୋକେ ବୃଦ୍ଧାଙ୍କୁ ଦେଖି ତାଙ୍କୁ ଭିତରୁ ବାହାର କରି ତାଙ୍କର ଚିକିତ୍ସା କରାଇଥିଲେ ।