ଅସଦାଚରଣ କଲେ ଛାଡ଼ିବୁନି: ଯୋଗୀ ଆଦିତ୍ୟନାଥ
ନୂଆଦିଲ୍ଲୀ: ବିଜେପିର ବରିଷ୍ଠ ନେତାମାନେ ଲୋକସଭା ନିର୍ବାଚନ ପାଇଁ ପ୍ରଚାର ଆରମ୍ଭ କରିଛନ୍ତି। ଏହି କ୍ରମରେ, ଆଜି ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ମୁଜାଫରନଗରରେ ବିଜେପି ପ୍ରାର୍ଥୀ ସଞ୍ଜୀବ ବାଲିୟାନଙ୍କ ପାଇଁ ପ୍ରଚାର କରିଛନ୍ତି | ଏହି ସମୟରେ ସେ ବିଜେପିର ଉପଲବ୍ଧିକୁ ଜନସାଧାରଣଙ୍କୁ କହିବା ସହ ସମାଜବାଦୀ ପାର୍ଟି ଉପରେ ଜୋରଦାର ଆକ୍ରମଣ କରିଥିଲେ ଏବଂ ଏହା ସହିତ ସେ ଉତ୍ତରପ୍ରଦେଶର ଅପରାଧୀଙ୍କୁ ମଧ୍ୟ ଚରମଵାଣୀ ଶୁଣାଇଥିଲେ | ମୁଜାଫରପୁରରେ ଜନସାଧାରଣଙ୍କୁ ସମ୍ବୋଧିତ କରିବାବେଳେ ଉତ୍ତରପ୍ରଦେଶର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ କହିଛନ୍ତି ଯେ ବିକାଶ ପାଇଁ ସୁରକ୍ଷା ଆବଶ୍ୟକ । ୨୦୧୭ ପୂର୍ବରୁ, ବ୍ୟବସାୟୀମାନେ ରାଜ୍ୟ ଛାଡି ପଳାୟନ କରୁଥିଲେ | କାରଣ ସେମାନଙ୍କୁ ଅପରାଧୀଙ୍କ ଭୟ ଥିଲା |
Sambad is now on WhatsApp
Join and get latest news updates delivered to you via WhatsApp
ଲୋକମାନେ ମଧ୍ୟ ରାଜ୍ୟ ଛାଡି ପଳାଇଯାଉଥିଲେ | କିନ୍ତୁ ବର୍ତ୍ତମାନ ବ୍ୟବସାୟୀ ଏବଂ ନାଗରିକମାନେ ଏଠାରୁ ପଳାୟନ କରୁନାହାନ୍ତି ବରଂ ବର୍ତ୍ତମାନ ଅପରାଧୀମାନେ ପଳାୟନ କରୁଛନ୍ତି | ସେ କହିଛନ୍ତି ଯେ ପୂର୍ବରୁ ଚାଷୀଙ୍କ ଠାରୁ ଆରମ୍ଭ କରି ନାଗରିକ ତଥା ଝିଅ ଭଉଣୀମାନେ ମଧ୍ୟ ସୁରକ୍ଷା ପାଇଁ ନିବେଦନ କରୁଥିଲେ, କିନ୍ତୁ କେହି ତାଙ୍କ କଥା ଶୁଣୁନଥିଲେ | ବର୍ତ୍ତମାନ ଅପରାଧୀମାନେ ଜୀବନ ପାଇଁ ଭିକ ମାଗୁଛନ୍ତି। ସେମାନେ କହୁଛନ୍ତି ଯେ ମୋ ଜୀବନକୁ ବଞ୍ଚାନ୍ତୁ। ମୁଁ ଦୋକାନଟିଏ ଖୋଲି ରୋଜଗାର କରିପାରିବି, କିନ୍ତୁ କାହାକୁ ଅସଦାଚରଣ କରିବି ନାହିଁ | ଆମେ ଏହା ମଧ୍ୟ କହିଥାଉ ଯେ ଯଦି କେହି ଅସଦାଚରଣ କରନ୍ତି, ଆମେ ଛାଡିବୁ ନାହିଁ।” ଏହି ସମୟରେ ସେ ସମାଜବାଦୀ ପାର୍ଟି ଉପରେ ଆକ୍ରମଣ କରି କହିଥିଲେ ଯେ ୨୦୧୭ରେ ଅର୍ଥାତ୍ ଯେତେବେଳେ ସମାଜବାଦୀ ପାର୍ଟି ସରକାରରେ ଥିଲା ସେତେବେଳେ ରାଜ୍ୟରେ ଅପରାଧୀମାନେ ପ୍ରାଧାନ୍ୟ ବିସ୍ତାର କରିଥିଲେ। ସେତେବେଳେର ସରକାର ଅପରାଧୀମାନଙ୍କୁ ଆଶ୍ରୟ ଦେଇଥିଲେ ଓ ଲୋକଙ୍କ ଅସୁବିଧାକୁ ବୁଝିପାରୁନଥିଲେ |