ବରାହ ମାଂସ ସହ ଜଣେ ଗିରଫ
ଅମ୍ବାଭୋନା : ଭଟଲି ରେଞ୍ଜର ଅନ୍ତର୍ଗତ ଡୁଙ୍ଗୁରୀ ସେକ୍ସସନ ଅଧିନସ୍ଥ ବାରପାହାଡ ଘେରା ଅଞ୍ଚଳ ଉଦେଇପାଲି ଗ୍ରାମର ଉତକିମୁଡା ଜଙ୍ଗଲ ଭିତରେ ଅବାଧରେ ବରାହ ଶିକାର ହେଉଥିବା ଖବର ମିଳିବା ପରେ ବନ ବିଭାଗ ଦ୍ଵାରା ଚଢାଉ କରାଯାଇଛି । ଏଥିରେ ଉଦେଇପାଲି ଗ୍ରାମର ଓକିଲ ମିର୍ଦ୍ଧା (୩୬) କୁ ଗିରଫ ସଂଗେ ବରାହ ମାଂସ ସହିତ ଗୋଟିଏ ବରାହ ମୁଣ୍ଡ ଜବତ କରାଯାଇଛି ।
Sambad is now on WhatsApp
Join and get latest news updates delivered to you via WhatsApp
ଏସଂକ୍ରାନ୍ତରେ ଭଟଲି ରେଞ୍ଜର ଅଫିସ ରେ ଏକ ମାମଲା ରୁଜୁ କରି ଅଭିଯୁକ୍ତ କୁ କୋର୍ଟ ଚାଲାଣ କରାଯାଇଛି ବୋଲି ବନ ବିଭାଗ ସୂଚନା ଦେଇଛନ୍ତି । ପ୍ରକାଶ ଥାଉ କି ବାରପାହାଡ ଓ ଡେବ୍ରିଗଡ ଅଭୟାରଣ୍ୟ ବନ୍ୟଜନ୍ତୁ ମାନଙ୍କୁ ୧୧କେଭି ବିଦ୍ୟୁତ ତାରରେ ଲଗାଇ ପ୍ରତ୍ୟେକ ଦିନ ଶିକାର କରାଯାଉଛି । ବିଦ୍ୟୁତ ସ୍ପର୍ଶରେ ଆସି ବହୁ ବନ୍ୟଜନ୍ତୁଙ୍କ ମୃତ୍ୟୁ ଘଟୁଛି । ତେବେ ଏଥି ପ୍ରତି ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବାକୁ ଦାବି ହେଉଛି ।