ଦିଲ୍ଲୀ ପୁଲିସ ଉପରକୁ ଗୁଳି ଚଳାଇଥିବା ଶାହରୁଖ ଗିରଫ, ଉତ୍ତରପ୍ରଦେଶର ବରେଲିିରୁ ଉଠାଇଆଣିଲା ପୁଲିସ୍
ନୂଆଦିଲ୍ଲୀ : ଫେବ୍ରୁଆରି ମାସରେ ହୋଇଥିବା ଦିଲ୍ଲୀ ଦଙ୍ଗାବେଳେ ପୁଲିସ ଉପରେ ଗୁଳି ଚଳାଇଥିବା ଶାହରୁଖକୁ ଦିଲ୍ଲୀ ପୁଲିସ ଉତ୍ତରପ୍ରଦେଶର ବରେଲିିରୁ ଗିରଫ କରିଛି । ଗତ ଗତ ପ୍ରାୟ ୧ ସପ୍ତାହ ହେଲା ପଶ୍ଚିମ-ଉତ୍ତରପ୍ରଦେଶର ବିଭିନ୍ନ ଅଞ୍ଚଳରେ ଆତ୍ମଗୋପନ କରିଥିଲା ।
Sambad is now on WhatsApp
Join and get latest news updates delivered to you via WhatsApp
ଗତ ଫେବ୍ରୁଆରୀ ୨୪ର ଦିଲ୍ଲୀର ମୌଜପୁରରେ ଦଙ୍ଗାବେଳେ ସେ ଜଣେ ପୁଲିସ କର୍ମଚାରୀ ଦିପକ ଦହିୟାଙ୍କୁ ବନ୍ଧୁକ ଦେଖାଇବା ସହ ୮ ରାଉଣ୍ଡ ଗୁଳିଚାଳନା କରିଥିଲା । ଏହି ଘଟଣା ଘଟାଇ ସେ ଫେରାର ହୋଇଯାଇଥିଲା । ଏପରିକି ତା ପରିବାର ମଧ୍ୟ ଫେରାର ହୋଇଯାଇଥିଲା । ମିଳିଥିବା ସୂଚନା ଅନୁସାରେ ସେ ପ୍ରଥମେ ହରିୟାଣା ଓ ତାପରେ ଉତ୍ତରପ୍ରଦେଶରେ ଆତ୍ମଗୋପନ କରିଥିଲା । ତାକୁ ଗିରଫ କରିବା ପାଇଁ ପୁଲିସ ଉପରେ ସବୁଆଡ଼ୁ ଚାପ ପଡ଼ୁଥିଲା । ଗତ କାଲି ଦିଲ୍ଲୀ ପୁଲିସର ଏକ ସ୍ୱତନ୍ତ୍ର ଦଳ ପଶ୍ଚିମ ଉତ୍ତରପ୍ରଦେଶର ବିଭିନ୍ନ ସହରରେ ଚଢଉ କରିଥିଲା । ଅନ୍ୟପକ୍ଷରେ ଦିଲ୍ଲୀରେ ଥିବା ତା’ଘରୁ ବିପୁଳ ପରିମାଣରେ ଆପତ୍ତିଜନକ କାଗଜପତ୍ର ଓ ଲେଖା ଜବତ ହୋଇଛି । ଏହି ଗିରଫଦାରି ସଂପର୍କରେ ଆଜି ଅପରାହ୍ଣ ୩ଟା ୩ରେ ଏକ ସ୍ୱତନ୍ତ୍ର ସାମ୍ବିଦିକ ସମ୍ମିଳନୀ କରିବ ଦିଲ୍ଲୀ ପୁଲିସ ।