୩ ହଜାର ଟଙ୍କା ଲାଞ୍ଚ ନେଇ ପୂର୍ବ ଡାଟା ଏଣ୍ଟ୍ରି ଅପରେଟର ଗିରଫ
ଖୋର୍ଦ୍ଧା : ବୋଲଗଡ଼ ବ୍ଲକରେ ଡାଟା ଏଂଟ୍ରି ଅପରେଟର ଭାବେ କାମ କରୁଥିବା ପ୍ରସନ୍ନ କୁମାର ମହାପାତ୍ର ୩ ହଜାର ଟଙ୍କା ଲାଂଚ ନେଇ ଭିଜିଲାନ୍ସ ହାତରେ ଧରାପଡ଼ିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଖୋର୍ଦ୍ଧା ଭିଜିଲାନ୍ସ ଡିଏସପି ସୁଶାନ୍ତ ପାଣିଗ୍ରାହୀଙ୍କ ସୂଚନାନୁସାରେ, ପ୍ରସନ୍ନ ମହାପାତ୍ର ବ୍ଲକ କାର୍ଯ୍ୟାଳୟରେ ଡାଟା ଏଂଟ୍ରି ଅପରେଟର ଭାବେ କାମ କରୁଥିଲେ । ଏବେ କାମ କରୁନାହାନ୍ତି । ଚେବେ ଆଜି ସେ ଖଙ୍ଗୁରିଆ ଗାଁର ବିକାଶ କୁମାର ସ୍ୱାଇଁଙ୍କୁ ବିବାହ ପଂଜୀକରଣ ପ୍ରମାଣପତ୍ର କରାଇଦେବା ପାଇଁ ଲାଂଚ ମାଗିଥିଲେ । ଏନେଇ ବିକାଶ ଭୁବନେଶ୍ୱର ଭିଜିଲାନ୍ସ ଏସପି କାର୍ଯ୍ୟାଳୟରେ ଅଭିଯୋଗ କରିଥିଲେ । ଆଜି ଟଙ୍କା ନେବା ବେଳେ ଭିଜିଲାନ୍ସ ହାତରେ ଧରାପଡ଼ିଥିଲେ । ଏନେଇ ୩/୨୦୨୧ରେ ମାମଲା ରୁଜୁ କରାଯିବା ସହ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଛି ।