ନେଗେଟିଭ୍ ଥିଲେ ବିଏମ୍ସି ହସ୍ପିଟାଲ୍ରେ ଆଡ୍ମିସନ୍
ପୁରୁଣା ଭୁବନେଶ୍ବର: ବିଏମ୍ସି ହସ୍ପିଟାଲ୍ରେ ବ୍ୟାପକ ସତର୍କତା ଅବଲମ୍ବନ କରାଯାଇଛି। ରୋଗୀମାନଙ୍କୁ ଆଡ୍ମିସନ୍ କରାଇବା ପୂର୍ବରୁ କରୋନା ରିପୋର୍ଟ ପ୍ରଦର୍ଶନ କରିବାକୁ କୁହାଯାଇଛି। ନେଗେଟିଭ୍ ରିପୋର୍ଟ ଥିବା ରୋଗୀମାନଙ୍କୁ କେବଳ ଆଡମିସନ୍ କରାଯାଉଛି। ଅର୍ଥାତ୍ ଏଣିକି ବିନା କରୋନା ରିପୋର୍ଟରେ ଏହି ହସ୍ପିଟାଲରେ ଆଡ୍ମିସନ୍ ମିଳିବ ନାହିଁ ବୋଲି ସ୍ପଷ୍ଟ କରାଯାଇଛି। ସେହିପରି ଯେଉଁ ରୋଗୀ ବହିର୍ବିଭାଗରେ ଡାକ୍ତରଙ୍କ ସହ ସାକ୍ଷାତ ପାଇଁ ଆସୁଛନ୍ତି ସେମାନଙ୍କର ଥର୍ମାଲ୍ ସ୍କ୍ରିନିଂ କରାଯାଉଛି। ମୁଖ୍ୟ ଚିକିତ୍ସାଧିକାରୀ ଜିତେନ୍ଦ୍ର ମୋହନ ବେବର୍ତା କହିଛନ୍ତି, ସରକାରଙ୍କ ଗାଇଡ଼୍ଲାଇନ୍ ଅନୁଯାୟୀ କାର୍ଯ୍ୟ କରାଯାଉଛି। ଅପରପେକ୍ଷ ଆଜି ହସ୍ପିଟାଲରେ ସାନିଟାଇଜ୍ର ମେସିନ୍ ଲଗାଯାଇଛି।