ରୋହିଙ୍ଗ୍ୟା ଶରଣାର୍ଥୀଙ୍କୁ ଆଶ୍ରୟ ଦେବା ପାଇଁ ଭାରତ ସରକାର ମିଆଁମାରକୁ ଯୋଗାଇଲେ ଘର
ନୂଆଦିଲ୍ଲୀ: ନିକଟରେ ରୋହିଙ୍ଗ୍ୟା ଶରଣାର୍ଥୀଙ୍କୁ ଆଶ୍ରୟ ଦେବା ପାଇଁ ଭାରତ ସରକାର ମିଆଁମାରକୁ ଘର ଯୋଗାଇ ଦେଇଛନ୍ତି । ଏହାପରେ ମିଆଁମାର ଦ୍ୱାରା ନିଜ ବିଦେଶ ସଚିବଙ୍କୁ ବାଙ୍ଗଲାଦେଶ ପଠାଇବାର ସମ୍ଭାବନା ରହିଛି। ମିଆଁମାରରେ ସାମାଜିକ, ଧାର୍ମିକ ଏବଂ ଜାତୀୟ ଉତ୍ପୀଡନକୁ ଦେଖି ରୋହିଙ୍ଗ୍ୟା ପରିବାର ଦେଶ ଛାଡି ବାଙ୍ଗାଲାଦେଶରେ ରହୁଥିଲେ ।
Sambad is now on WhatsApp
Join and get latest news updates delivered to you via WhatsApp
ପ୍ରକାଶିତ ରିପୋର୍ଟ ଅନୁସାରେ, ମିଆଁମାରର ବିଦେଶ ସଚିବଙ୍କ ଯାତ୍ରା ଚଳିତ ମାସର ଶେଷ ସୁଦ୍ଧା ହୋଇପାରେ। ଯେଉଁଥିରେ ରୋହିଙ୍ଗ୍ୟା ଶରଣାର୍ଥୀଙ୍କ ସୁରକ୍ଷା ବିଷୟରେ କଥାବାର୍ତ୍ତା ହେବ ।
+
ଭାରତୀୟ ରାଜଦୁତ ସୌରଭ କୁମାର ଜୁଲାଇ ୯ରେ ରୋହିଙ୍ଗ୍ୟା ଶରଣାର୍ଥୀଙ୍କ ପାଇଁ ତିଆରି କରାଯାଇଥିବା ୨୫୦ ପୂର୍ଣ୍ଣ ନିର୍ମିତ ଘରକୁ ମିଆଁମାରକୁ ପ୍ରଦାନ କରିଥିଲେ । ଏହି ପ୍ରୋଜେକ୍ଟ ଭାରତ ଏବଂ ମିଆଁମାର ଦ୍ୱାରା ୨୦୧୭ ମସିହାରେ କରାଯାଇଥିଲା । ୪୦ବର୍ଗ ମିଟରରେ ପ୍ରସ୍ତୁତ ହୋଇଥିବା ଏହି ଘର ଭୂମିକମ୍ପ ଏବଂ ଝଡଠାରୁ ସୁରକ୍ଷିତ ରହିବା ପାଇଁ ତିଆରି କରାଯାଇଛି । ଯେଉଁଥିରେ ୨୫ ମିଲିୟନ୍ ଟଙ୍କା ଖର୍ଚ୍ଚ ହୋଇଛି ।