ୱାଶିଂଟନ୍: ଆମେରିକାର ଏକ ନ୍ୟୁଜ୍ ଚ୍ୟାନେଲ୍ରେ ନ୍ୟୁଜ୍ ପଢ଼ା ଚାଲିଥିବା ବେଳେ ଆଙ୍କର ବୋହାସ ହୋଇ ଟଳିପଡ଼ିବା ବେଳର ଏକ ଭିଡିଓ ଏବେ ସୋସିଆଲ୍ ମିଡିଆରେ ଭାଇରାଲ୍ ହେବାରେ ଲାଗିଛି। ଆଙ୍କର ଜଣକ ଅଚେତ ହୋଇପଡ଼ିବା କାରଣରୁ ଟିମ୍ର ଅନ୍ୟ ୨ ଜଣ ଖବର ଉପସ୍ଥାପିକା ଚକିତ ହୋଇ ପଡ଼ିଥିଲେ।
Sambad is now on WhatsApp
Join and get latest news updates delivered to you via WhatsApp
ଖବରରୁ ଜାଣିବାକୁ ମିଳିଛି ଯେ ନ୍ୟୁଜ୍ ଆଙ୍କର୍ ଏଲିସା କାର୍ଲସନ୍ଙ୍କର ପୂର୍ବରୁ ହିଁ ହୃଦ୍ୟ ବେମାରୀ ରହିଛି। ୨୦୧୪ ମସିହାରେ ବି ତାଙ୍କ ସହ ଜଡ଼ିତ ଏପରି ଏକ ଘଟଣା ଘଟିସାରିଛି। ଘଟଣାର ଖୋଳତାଢ଼ କରିବାରୁ ଜଣାପଡ଼ିଲା ଯେ ତାଙ୍କ ହୃଦୟରେ ଏକ କଣା ଅଛି।
CBS LA meteorologist Alissa Carlson Schwartz stroked out LIVE on-air on Saturday morning during her weather report.
It’s becoming too big to ignore. pic.twitter.com/0RneqbqNYp
— Stew Peters (@realstewpeters) March 19, 2023
ଏବେ ସୋସିଆଲ୍ ମିଡିଆରେ ଭାଇରାଲ୍ ହେଉଥିବା ଭିଡିଓଟି ହେଉଛି ଗତ ଶନିବାରର। ଭିଡିଓରେ ଆପଣ ଦେଖି ପାରୁଥିବେ ଯେ ପ୍ରଥମେ ୨ ଜଣ ନ୍ୟୁଜ୍ ଆଙ୍କର୍ ଖବର ପଢ଼ିବା ଆରମ୍ଭ କରୁଛନ୍ତି। ତାପରେ ସୋମାନେ ପାଣିପାଗ ସଂପର୍କିତ ରିପୋର୍ଟ ଦେବାକୁ ଏଲିସା କାର୍ଲସନ୍ଙ୍କ ସହ ଯୋଡ଼ି ହେଉଛନ୍ତି। କାର୍ଲସନ୍ ଏକଦମ ଠିକ୍ ଠାକ୍ କହିବା ଆରମ୍ଭ କରୁଛନ୍ତି। ମାତ୍ର ଦେଖୁ ଦେଖୁ ସେ ଟେବୁଲ୍ ଉପରେ ଠଳି ପଡୁଛନ୍ତି।
ଆଜିକାଲି ହୃଦୟ ବେମାରୀ ଖୁବ୍ ଅଧିକ ବାହାରୁଥିବା ବେଳେ ମହିଳା ଆଙ୍କର୍ଙ୍କର ଏହି ଭିଡିଓ ସମସ୍ତଙ୍କୁ ବେଶ୍ ଡରାଇ ଦେଇଛି। ଭାରତରେ ବି ଗତ ୧୦ ବର୍ଷ ମଧ୍ୟରେ ହୃଦ୍ରୋଗରେ ଅନେକ ଲୋକ ପ୍ରାଣ ହରାଇଛନ୍ତି।