ଅଭିନେତା-ଅଭିନେତ୍ରୀଙ୍କ ନାମରେ ବିକ୍ରି ହେଉଛି ଗଧ, ସଲମାନ୍ଙ୍କ ଦର ୧୦ଲକ୍ଷ ଟଙ୍କା ତ ଶାହାରୁଖ୍ ୧୧ ଲକ୍ଷ
ଚିତ୍ରକୁଟ: ଉତ୍ତରପ୍ରଦେଶର ଚିତ୍ରକୁଟ ଜିଲ୍ଲାରେ ମୁଗଲ କାଲିନ ଐତିହାସିକ ଗଧ ମେଳା ଦୀପାବଳିର ଦୁଇଦିନ ପରେ ଆରମ୍ଭ ହୋଇଥାଏ। ଏହି ମେଳାରେ ଗଧମାନଙ୍କୁ ୫୦ ହଜାର ଟଙ୍କାରୁ ନେଇ ୨ଲକ୍ଷ ଟଙ୍କା ପର୍ଯ୍ୟନ୍ତ ବିକ୍ରି କରାଯାଇଥାଏ। ମଧ୍ୟପ୍ରଦେଶ ଓ ଛତିଶଗଡ଼ର ଅନେକ ବ୍ୟବସାୟୀ ନିଜର ଗଧମାନଙ୍କୁ ନେଇ ଏହି ମେଳାରେ ସାମିଲ ହୋଇଥାଆନ୍ତି। ଅନେକ ସଂଖ୍ୟାରେ ଲୋକେ ଏହି ମେଳାରୁ ଆସି ଗଧ କିଣି ନେଇଥାଆନ୍ତି।
Sambad is now on WhatsApp
Join and get latest news updates delivered to you via WhatsApp
ଏହି ମେଳାର ବିଶେଷତ୍ୱ ହେଉଛି ଗଧମାନଙ୍କୁ ବଲିଉଡ୍ର ଅଭିନେତା-ଅଭିନେତ୍ରୀଙ୍କ ନାମରେ ବିକ୍ରି କରାଯାଇଥାଏ। ମେଳାରେ ସଲମାନ୍ ଖାନ୍, ଶାହାରୁଖ ଖାନ୍ ସହିତ ହ୍ରିତିକ ରୋଶନ୍ ଓ ରଣବୀର ସିଂହ ନାମକ ଗଧକୁ ଲୋକେ ଅଧିକ ମାତ୍ରାରେ କ୍ରୟ କରିଥିବା ଜଣାପଡ଼ିଛି।
ସଲମାନ୍ ଖାନ୍ଙ୍କ ନାମ ଦିଆଯାଇଥିବା ଗଧକୁ ଲୋକେ ୧୦ଲକ୍ଷ ଟଙ୍କାରେ କିଣିଥିବା ବେଳେ ଶାହାରୁଖ୍ ଖାନ୍ଙ୍କ ନାମ ଦିଆଯାଇଥିବା ଗଧ ୧୧ଲକ୍ଷ, ହ୍ରିତିକ ରୋଶନ୍ ଓ ରଣବୀର ସିଂହଙ୍କ ନାମ ଦିଆଯାଇଥିବା ଗଧକୁ ୮ଲକ୍ଷ ଟଙ୍କାରେ ବିକ୍ରି କରାଯାଇଥିଲା।