ଏହି ୫ଟି ସାଧାରଣ ଭୁଲ୍ ପାଇଁ ଖରାପ ହୋଇଥାଏ ସ୍ମାର୍ଟଫୋନ୍
ବେଳେବେଳେ ଆମେ ଫୋନ୍ ବ୍ୟବହାର ସମୟରେ ଏପରି କିଛି ସାଧାରଣ ଭୁଲ୍ କରିବସିଥାଉ, ଯାହାକି ଆମର ସ୍ମାର୍ଟଫୋନ୍ଟିକୁ ଖରାପ କରିଦିଏ। ତେବେ ଉପଭୋକ୍ତାମାନେ ଏହି ଭୁଲ୍ ବିଷୟରେ ଅଜ୍ଞ ଥିବା କାରଣକୁ ଏପରି ଭୁଲ୍ କରିବସନ୍ତି। ଆଜି ଆମେ ଆପଣଙ୍କୁ ଏହି ୫ଟି ସାଧାରଣ ଭୁଲ୍ ବିଷୟରେ ଜଣାଇବୁ, ଯାହାକି ଆପଣଙ୍କ ସ୍ମାର୍ଟଫୋନ୍ କୁ ଖରାପ କରିଥାଏ।
Sambad is now on WhatsApp
Join and get latest news updates delivered to you via WhatsApp
୧. ଫୋନ୍କୁ ରୁଟ୍ କରିବା: ଫୋନ୍କୁ ରୁଟ୍ କରିବା ପୂର୍ବରୁ ଉପଭୋକ୍ତାଙ୍କୁ ପ୍ରଥମେ ଏହା ବିଷୟରେ ସଂପୂର୍ଣ୍ଣ ସୂଚନା ଜାଣିନେବା ନିହାତି ଦରକାର। ତେବେ ଫୋନ୍ର ରୁଟ୍ କରିବା ପୂର୍ବରୁ ଓ୍ଵାର୍ଣ୍ଣିଙ୍ଗ୍ ଦିଆଯାଇଥାଏ। ହେଲେ ଫୋନ୍ଟିକୁ ଭୁଲ୍ବଶତଃ ରୁଟ୍ କରିବା ଫଳରେ ଫୋନ୍ଟି ଇଣ୍ଟର୍ନାଲି ଡ଼୍ୟାମେଜ୍ ହୋଇଯାଏ। ତେଣୁ ଉପଭୋକ୍ତାଙ୍କୁ ସେମାନଙ୍କ ଫୋନ୍ ରୁଟ୍ କରିବା ଆଦୌ ଉଚିତ୍ ନୁହେଁ।
୨. ମେମୋରି କାର୍ଡ଼ ବିନା ସ୍ମାର୍ଟଫୋନ୍ର ବ୍ୟବହାର: ବହୁତ ଉପଭୋକ୍ତା ସେମାନଙ୍କ ଫୋନ୍ରେ ମେମୋରି କାର୍ଡ଼ ସେହି ପର୍ଯ୍ୟନ୍ତ ବ୍ୟବହାର କରନ୍ତି ନାହିଁ;ଯେଉଁପର୍ଯ୍ୟନ୍ତି ଫୋନ୍ର ଇଣ୍ଟର୍ନାଲ୍ ମେମୋରି ସଂପୂର୍ଣ୍ଣ ହୋଇନଥାଏ। ତେଣୁ ଫୋନ୍ଟି ସଂପୂର୍ଣ୍ଣ ଭରିଯିବା ଯୋଗୁଁ ଏହା ଠିକ ଭାବେ କାମ କରିବା ବନ୍ଦ କରିଦିଏ। ଏହି କାରଣକୁ ନେଇ ଆପଣ ଫୋନ୍ରେ ମେମୋରି କାର୍ଡ଼ର ବ୍ୟବହାର କରନ୍ତୁ ଏବଂ କିଛି ଫାଇଲ୍ସ ଏହା ଭିତରେ ସେଭ୍ କରିରଖନ୍ତୁ। ଏହାଦ୍ୱାରା ଫୋନ୍ର ମେମୋରି ଫୁଲ୍ ହୁଏନି ଓ ତାହା ଭଲଭାବରେ କାମକରିଥାଏ।
