ଏହି ସ୍କୁଲରେ ଶିକ୍ଷକମାନଙ୍କୁ ପ୍ରେମ କରିବା ପାଇଁ ମିଳେ ଛୁଟି, ଏଠାରେ ପାଠ ପଢ଼ାଇଲେ ମିଳେ ଅନେକ ଫାଇଦା
ବେଜିଂ: ଆଜିର ଦୁନିଆରେ ଅଧିକାଂଶ ବ୍ୟସ୍ତତା ଭିତର ଜୀବନ ବିତାଉଛନ୍ତି। ନିଜର ବ୍ୟକ୍ତିଗତ କାର୍ଯ୍ୟ ପାଇଁ କାହା ପାଖରେ ସମୟ ନାହିଁ । କିଏ ସୋସିଆଲ ମିଡିଆରେ ବ୍ୟସ୍ତ ରହୁଛିନ୍ତି ତ କିଏ ନିଜ କାର୍ଯ୍ୟରେ ବ୍ୟସ୍ତ ରହୁଛନ୍ତି । ଏଠାରେ ମଣିଷ ଜୀବନକୁ ଖୁସୀ ସହକାରେ ଜିଇଁବା ପାଇଁ ନିଜେ ଚେଷ୍ଟା କରିବା ଦରକାର କିମ୍ବା ତାଙ୍କ ଜୀବନରେ ଏପରି କୌଣସି ବ୍ୟକ୍ତି ଥିବା ଦରକାର ଯିଏ ତାଙ୍କ ପାଇଁ ଚିନ୍ତା କରୁଥିବ । କିନ୍ତୁ ଏହା ଭାବିବା ମୁର୍ଖାମୀ ଯେ ଅନ୍ୟ କିଏ ଆପଣଙ୍କ ପାଇଁ ଚିନ୍ତା କରିବ । ଚୀନ୍ରେ ଏପରି ଏକ ସ୍କୁଲ ଅଛି, ଯେଉଁଠାରେ ଲୋକଙ୍କ ପାଇଁ ଏପରି ପଦକ୍ଷେପ ନିଆଯାଇଛି, ଯାହା ଶୁଣିଲେ ଆଶ୍ଚର୍ଯ୍ୟ ଲାଗିବ।
Sambad is now on WhatsApp
Join and get latest news updates delivered to you via WhatsApp
ବ୍ୟସ୍ତ ବହୁଳ ଜୀବନରେ ମଣିଷ ପ୍ରେମ ପାଇଁ ସମୟ ପାଉ ନାହିଁ। ଫଳରେ ଜୀବନରେ ସେ ଏକା ରହିଯାଏ । ଏହି ଏକା ପଣକୁ ପୂରଣ କରିବା ପାଇଁ ଚୀନ୍ର ଏକ ସ୍କୁଲ ଏକ ନିୟାରା ଉପାୟ ଆପଣାଇଛି । ଏଠାରେ ପ୍ରେମ ପାଇଁ ଛୁଟି ‘ଲଭ ଲିଭ୍’ ବ୍ୟବସ୍ଥା ଆରମ୍ଭ ହୋଇଛି । ଏହା ଦ୍ବାରା ଏକା ଥିବା ଶିକ୍ଷକ ନିଜର ପ୍ରେମିକାଙ୍କ ସହ ସମୟ ବିତାଇ ପାରିବେ । ଚିନ୍ର ଜିହାଂ ସହରର ଡିନ୍ଗଲାନ୍ ଏକ୍ସପେରିମେଣ୍ଟାଲ ମିଡିଲ ସ୍କୁଲରେ ମାସକୁ ୨ ଦିନ ହାପ୍ ଛୁଟି ମିଳିଥାଏ। ଏହି ବ୍ୟବସ୍ଥା ଜାନୁଆରି ୧୫ରୁ ଅାରମ୍ଭ ହୋଇଛି । ଏହି ଛୁଟି ଖାସ୍ କରି ବିବାହ କରି ନଥିବା ଶିକ୍ଷକଙ୍କ ପାଇଁ ଉଦ୍ଦିଷ୍ଟ। ତେବେ ଯେଉଁ ମାନେ ବିବାହ କରିଛନ୍ତି ସେମାନଙ୍କୁ ମଧ୍ୟ ତାଙ୍କ ପରିବାର ସହ ସମୟ କଟାଇବା ପାଇଁ ସମୟ ମିଳିବ । ଶିକ୍ଷକମାନେ ଏହି ପ୍ରୟାଷ ପାଇଁ ସ୍କଲକୁ ଧନ୍ୟବାଦ ଜଣାଇଛନ୍ତି ।