ନିଆରା ପ୍ରୟାସ: ପାଇଲଟ୍ ହେବାର ସ୍ୱପ୍ନ ପୂରଣ ପାଇଁ ନ୍ୟାସ୍ନାଲ ଜିଓଗ୍ରାଫି ଦେଖି ନିଜର ବିମାନ ତିଆରି କଲେ ଯୁବକ
ନୂଆଦିଲ୍ଲୀ : ପାକିସ୍ତାନରେ ପପ୍କର୍ଣ୍ଣ ବିକ୍ରି କରୁଥିବା ଜଣେ ଯୁବକ ନିଜର ବିମାନ ତିଆରି କରିବା ଖବର ଏବେ ଚର୍ଚ୍ଚାର ବିଷୟ ପାଲଟିଛି । କଥାରେ ଅଛି ଇଚ୍ଛା ଥିଲେ ଉପାୟ ଆପେ ଆପେ ଆସେ । ଯାହାକୁ ପ୍ରମାଣ କରି ଦେଖାଇଛନ୍ତି ପାକିସ୍ତାନର ମହମ୍ମଦ ଫୟଜ । ମହମ୍ମଦ ସ୍କୁଲରେ ପାଠ ପଢ଼ୁଥିବା ସମୟରେ ଏକ ପାଇଲଟ ହେବାର ଇଚ୍ଛା ରଖିଥିଲେ । କିନ୍ତୁ ଘରର ଆର୍ଥିକ ଅବସ୍ଥା ଭଲ ନଥିବାରୁ ତାଙ୍କୁ ଅଧାରୁ ପାଠ ପଢ଼ା ଛାଡ଼ିବାକୁ ପଡ଼ିଥିଲା । ପାଠ ପଢ଼ାଠାରୁ ଅଲଗା ହୋଇ ଯାଇଥିଲେ ମଧ୍ୟ ମହମ୍ମଦ ନିଜ ସ୍ୱପ୍ନକୁ କେବେ ହେଲେ ନିଜଠାରୁ ଅଲଗା କରି ପାରି ନଥିଲେ ।
Sambad is now on WhatsApp
Join and get latest news updates delivered to you via WhatsApp
ତାଙ୍କ କହିବା ଅନୁଯାୟୀ, ଯେତେବେଳେ ମୁଁ ଆକଶରେ ବିମାନକୁ ଯାଉଥିବାର ଦେଖେ, ନିଜର ବିମାନ ଉଡ଼ାଇବାର ସ୍ୱପ୍ନ ଆହୁରି ତାଜା ହୋଇଯାଏ । କିଛି ଦିନ ଭାବିବା ପରେ ମୁଁ ମୋ ସ୍ୱପ୍ନକୁ ସାକାର କରିବା ପାଇଁ ଚିନ୍ତା କରିଥିଲି । ଏହା ପରେ ମୁଁ ଘର ଜମି ବିକିବା ସହ ବ୍ୟାଙ୍କରୁ ୯୦,୦୦୦ ଟଙ୍କା ରୁଣ ଆଣି ବିମାନ ତିଆରି କରିବା ଆରମ୍ଭ କରିଥିଲି । ଟଙ୍କା କମ ପଡ଼ୁଥିବାରୁ ଦିନରେ ପପ୍କର୍ଣ୍ଣ ବିକି ରାତିରେ ଚୌକିଦାରର କାମ କରିବା ଆରମ୍ଭ କଲି । ବିମାନ ତିଆରି କରିବା ପାଇଁ ମୁଁ ନ୍ୟାସ୍ନାଲ ଜିଓଗ୍ରାଫି ଚ୍ୟାନେଲ ଦେଖି ତିଆରି କରିବା ଆରମ୍ଭ କରିଥିଲି । ପ୍ରାୟ ବର୍ଷେ ପରେ ମୁଁ ମୋର ବିମାନ ତିଆରି କରିବାରେ ସଫଳ ହୋଇଥିଲି । କିନ୍ତୁ ମୋତେ ବିମାନ ଉଡ଼ାଇବାର ଅନୁମତି ଏ ପର୍ଯ୍ୟନ୍ତ ମିଳି ନାହିଁ ବୋଲି କହିଛନ୍ତି ମହମ୍ମଦ ।