ହ୍ୟାଟ୍ରିକ୍ ବିଜୟ ସହ ଅଷ୍ଟ୍ରେଲିଆ ଶୀର୍ଷରେ
ୱେଲିଂଟନ୍: ଅଷ୍ଟ୍ରେଲିଆ ଚଳିତ ମହିଳା ବିଶ୍ବକପ୍ରେ ହ୍ୟାଟ୍ରିକ ବିଜୟ ବିଜୟ ହାସଲ କରିଛି। ଇଂଲଣ୍ଡକୁ ୧୨ ରନ୍ ଓ ପାକିସ୍ତାନକୁ ୭ ୱିକେଟ୍ରେ ହରାଇଥିବା ଅଷ୍ଟ୍ରେଲିଆ ରବିବାର ତୃତୀୟ ମ୍ୟାଚ୍ରେ ୧୪୧ ରନ୍ରେ ନ୍ୟୁଜିଲାଣ୍ଡକୁ ମାତ୍ ଦେଇଛି। ଏଲିସା ପେରି (୬୮ ରନ୍, ୧/୧୮), ତାହିଲା ମ୍ୟାକ୍ଗ୍ରା (୫୭ ରନ୍, ୧/୧୭) ଓ ଆସ୍ଲେ ଗାର୍ଡନର (୪୮* ରନ୍, ୨/୧୫)ଙ୍କ ଅଲ୍ରାଉଣ୍ଡ ପ୍ରଦର୍ଶନ ଯୋଗୁଁ ଅଷ୍ଟ୍ରେଲିଆ ଏହି ବଡ଼ ବିଜୟ ପାଇଥିଲା। ଏହି ବିଜୟ ବଳରେ ଅଷ୍ଟ୍ରେଲିଆ ୬ ପଏଣ୍ଟ୍ ସହ ଟେବୁଲର ଶୀର୍ଷରେ ପହଞ୍ଚିଛି। ଭାରତ (୪ ପଏଣ୍ଟ୍) ଦ୍ବିତୀୟକୁ ଖସିଛି। ରବିବାର ଟସ୍ ହାରି ପ୍ରଥମେ ବ୍ୟାଟିଂ କରିଥିବା ଅଷ୍ଟ୍ରେଲିଆ ୮ ୱିକେଟ୍ ହରାଇ ୨୬୯ ରନ୍ କରିଥିଲା। ଜବାବରେ ନ୍ୟୁଜିଲାଣ୍ଡ ୩୦.୨ ଓଭରରେ ସମସ୍ତ ୱିକେଟ୍ ହରାଇ ୧୨୮ ରନ୍ କରିପାରିଥିଲା। ଦଳ ପକ୍ଷରୁ ଆମି ସଟର୍ଥୱେଟ୍ ୪୪ ରନ୍ କରିଥିଲେ। ଏଲିସ ପେରି ମ୍ୟାଚ୍ର ଶ୍ରେଷ୍ଠ ଖେଳାଳି ବିବେଚିତ ହୋଇଥିଲେ।