ବାଂଲାଦେଶ-ପାକିସ୍ତାନ ଟେଷ୍ଟ: ବିଜୟ ଦ୍ବାରରେ ପାକିସ୍ତାନ
ଚଟ୍ଟଗ୍ରାମ: ବାଂଲାଦେଶ ବିପକ୍ଷ ପ୍ରଥମ ଟେଷ୍ଟ୍ରେ ପାକିସ୍ତାନ ବିଜୟ ଦ୍ବାରରେ ଉପନୀତ ହୋଇଛି। ୨୦୨ ରନ୍କୁ ପିଛା କରୁଥିବା ପାକିସ୍ତାନ ଚତୁର୍ଥ ଦିନ ଖେଳ ବନ୍ଦ ବେଳକୁ କୌଣସି ୱିକେଟ୍ ନ ହରାଇ ୧୦୯ ରନ୍ ସଂଗ୍ରହ କରି ନେଇଛି। ଫଳରେ ଶୃଙ୍ଖଳାରେ ଆଗୁଆ ହେବାକୁ ବାବର ଆଜମଙ୍କ ଦଳ ମାତ୍ର ୯୩ ରନ୍ ଦୂରରେ ରହିଛି। ଅବିଦ୍ ଅଲୀ (୫୬*, ୧୦୫ ବଲ୍) ଏବଂ ଅବଦୁଲ୍ଲା ସଫିକ୍ (୫୩*) ଅତୁଟ ପ୍ରଥମ ୱିକେଟରେ ଶତକୀୟ ଭାଗୀଦାରି କରି ବାଂଲାଦେଶକୁ କୌଣସି ସୁଯୋଗ ଦେଇନାହାନ୍ତି।
Sambad is now on WhatsApp
Join and get latest news updates delivered to you via WhatsApp
ସୋମବାର ବାଂଲାଦେଶ ଅସମାପ୍ତ ଦ୍ବିତୀୟ ପାଳିକୁ ୩୯/୪ରୁ ଖେଳିଥିଲା। ୱିକେଟରକ୍ଷକ ଲିଟନ୍ ଦାସ (୫୯)ଙ୍କ ବ୍ୟତୀତ ଅନ୍ୟ କେହି ଲଢ଼ି ନପାରିବାରୁ ଦଳ ମାତ୍ର ୧୫୭ ରନ୍ରେ ସମସ୍ତ ୱିକେଟ୍ ହରାଇ ଦେଇଥିଲା। ସାହିନ୍ ସାହା ଆଫ୍ରିଦି ୫ ୱିକେଟ୍ ସଫଳତା ପାଇଥିଲେ।
ସଂକ୍ଷିପ୍ତ ସ୍କୋର: ବାଂଲାଦେଶ ପ୍ରଥମ ପାଳି: ୩୩୦ (ଲିଟନ୍ ଦାସ-୧୧୪, ହାସନ୍ ଅଲୀ-୫/୫୧, ଫହିମ୍ ଅସ୍ରଫ୍-୨/୫୪)। ପାକିସ୍ତାନ ପ୍ରଥମ ପାଳି: ୨୮୬ (ଅବିଦ୍ ଅଲୀ-୧୩୩, ତୈଜୁଲ ଇସ୍ଲାମ-୭/୧୧୬)। ବାଂଲାଦେଶ ଦ୍ବିତୀୟ ପାଳି: ୧୫୭ (ଲିଟନ୍ ଦାସ-୫୯, ସାହିନ ସାହା ଆଫ୍ରିଦି-୫/୩୨, ସଜିଦ୍ ଖାନ୍-୩/୩୩, ହାସନ୍ ଅଲୀ-୨/୫୨)। ପାକିସ୍ତାନ ଦ୍ବିତୀୟ ପାଳି: ୩୩ ଓଭରରେ ୧୦୯/୦ (ଅବିଦ୍ ଅଲୀ-୫୬*, ଅବଦୁଲ୍ଲା ସଫିକ୍-୫୩*)।