ମାଞ୍ଚେଷ୍ଟର୍: ବିଶ୍ବ ପ୍ରତିଯୋଗିତା ଅନ୍ତର୍ଗତ ଆସେସ୍ ଶୃଙ୍ଖଳାର ଚତୁର୍ଥ ଟେଷ୍ଟ୍ରେ ଅଷ୍ଟ୍ରେଲିଆର ୪୯୭/୮ ଜବାବରେ ଇଂଲଣ୍ଡ ବର୍ଷା ବାଧାପ୍ରାପ୍ତ ତୃତୀୟ ଦିନ ଖେଳ ଶେଷ ସୁଦ୍ଧା ୫ ୱିକେଟ୍ ହରାଇ ୨୦୦ ରନ୍ କରିଛି। ଗୁରୁବାର ପାଳି ଆରମ୍ଭ କରିଥିବା ଇଂଲଣ୍ଡକୁ ପ୍ରଥମ ଝଟକା ଦେଇଥିଲେ ପ୍ୟାଟ୍ କମିନ୍ସ। ଜୋ ଡେନଲି (୪)ଙ୍କୁ କମିନ୍ସ ଆଉଟ୍ କରି ଦେଇଥିଲେ। ଶୁକ୍ରବାର ଇଂଲଣ୍ଡ ୨୩/୧ରୁ ଖେଳିଥିଲା। ସକାଳର ଦ୍ବିତୀୟ ଓଭରରେ କ୍ରେଗ୍ ଓଭରଟନ୍ (୫)ଙ୍କୁ ହାଜେଲଉଡ୍ ପ୍ୟାଭିଲିଅନ୍ ରାସ୍ତା ଦେଖାଇଥିଲେ। ଇଂଲଣ୍ଡ ୨୫/୨ରେ ପହଞ୍ଚିଯାଇଥିଲା। ଏହି ସମୟରେ ରୋରି ବର୍ନସଙ୍କ ସହ ଯୋଗ ଦେଇଥିବା ଜୋ ରୁଟ୍ ତୃତୀୟ ୱିକେଟ୍ ପାଇଁ ଶତକୀୟ (୧୪୧) ଭାଗୀଦାରି କରି ନେଇଥିଲେ। ବର୍ନସ ଓ ରୁଟ୍ଙ୍କୁ ଲଗାତାର ଓଭରରେ ହାଜେଲଉଡ୍ ଆଉଟ୍ କରି ଇଂଲଣ୍ଡକୁ ପୁଣି ରୋକିଥିଲେ। ଦିବସର ଶେଷ ୱିକେଟ୍ ଭାବେ ଜାସନ୍ ରୟଙ୍କୁ ମଧ୍ୟ ହାଜେଲ୍ଉଡ୍ ଶିକାର କରିଥିଲେ।
Sambad is now on WhatsApp
Join and get latest news updates delivered to you via WhatsApp
ସଂକ୍ଷିପ୍ତ ସ୍କୋର: ଅଷ୍ଟ୍ରେଲିଆ ପ୍ରଥମ ପାଳି: ୧୨୬ ଓଭରରେ ୪୯୭/୮, ଘୋଷଣା (ଷ୍ଟିଭେନ୍ ସ୍ମିଥ୍-୨୧୧, ମାର୍ନସ ଲାବୁଚାନ୍-୬୭, ଟିମ୍ ପେନ୍-୫୮, ମିଚେଲ ଷ୍ଟାର୍କ-୫୪*, ନାଥନ୍ ଲାୟନ୍-୨୬*, ଷ୍ଟୁଆର୍ଟ ବ୍ରଡ୍-୩/୯୭, ଜ୍ୟାକ୍ ଲିଚ୍-୨/୮୩, କ୍ରେଗ୍ ଓଭରଟନ୍-୨/୮୫, ଜୋ ରୁଟ୍-୧/୩୯)। ଇଂଲଣ୍ଡ ପ୍ରଥମ ପାଳି: ୭୪ ଓଭରରେ ୨୦୦/୫ (ରୋରି ବର୍ନସ-୮୧, ଜୋ ରୁଟ୍-୭୧, ଜାସନ୍ ରୟ-୨୨, ଜୋସ୍ ହାଜେଲଉଡ୍-୪/୪୮, ପ୍ୟାଟ୍ କମିନ୍ସ-୧/୩୭)।