କଳାହାଣ୍ଡି କପ୍: ନିର୍ବିଶଙ୍କର, ଆଶୁତୋଷ, ଶକ୍ତିଙ୍କ ଶତକ
କଟକ ଏ, ଝାରସୁଗୁଡା, ବାଲେଶ୍ବର, ପୁରୀ ବିଜୟୀ, ବର୍ଷା ଯୋଗୁଁ ଦୁଇଟି ମ୍ୟାଚ୍ ବାତିଲ
କଟକ: କଳାହାଣ୍ଡି କପ୍ର ଶୁକ୍ରବାର ମ୍ୟାଚ୍ରେ କଟକ- ଏ, ଝାରସୁଗୁଡା, ବାଲେଶ୍ବର ଓ ପୁରୀ ବିଜୟୀ ହୋଇଥିବା ବେଳେ ବର୍ଷା ଯୋଗୁଁ ଦୁଇଟି ମ୍ୟାଚ୍କୁ ବାତିଲ କରାଯାଇଛି। ଅଡ଼ଶପୁର ପଡିଆରେ ମୟୂରଭଞ୍ଜ ଓ ନୟାଗଡ ମ୍ୟାଚ୍, ଏମ୍ଜିଏମ୍ ଗ୍ରାଉଣ୍ଡରେ ଢେଙ୍କାନାଳ ଓ କେନ୍ଦୁଝର ମ୍ୟାଚ୍ ବର୍ଷା ଯୋଗୁଁ ବାତିଲ ହୋଇଥିଲା। ରେଭେନ୍ସା ପଡିଆ-୧ରେ କଟକ-ଏ ୭ ୱିକେଟ୍ରେ ଯାଜପୁରକୁ ହରାଇଛି। ଯାଜପୁର ୪୨.୫ ଓଭରରେ ସମସ୍ତ ୱିକେଟ୍ ହରାଇ ୧୩୬ ରନ୍ କରିଥିଲା। ଜବାବରେ କଟକ ଦଳ ୩୩.୩ ଓଭରରେ ୩ ୱିକେଟ୍ ହରାଇ ୧୪୦ ରନ୍ କରି ବିଜୟୀ ହୋଇଥିଲା। ରେଭେନ୍ସା ପଡିଆ ନଂ-୨ରେ ଝାରସୁଗୁଡା ଡିଏଲଏସ୍ ମେଥଡ୍ରେ ୬ ରନ୍ରେ ରାଉରକେଲାକୁ ହରାଇଛି ରାଉରକେଲା ୭ ୱିକେଟ୍ ହରାଇ ୨୪୫ ରନ୍ କରିଥିଲା। ଜବାବରେ ଝାରସୁଗୁଡା ୨୭.୪ ଓଭରରେ ୩ ୱିକେଟ୍ ହରାଇ ୧୨୩ ରନ୍ କରିଥିଲା। ତେବେ ଡିଏଲ୍ଏସ୍ ମେଥଡରେ ଦଳ ବିଜୟୀ ହୋଇଥିଲା।
Sambad is now on WhatsApp
Join and get latest news updates delivered to you via WhatsApp
ସନ୍ସାଇନ୍ ପଡିଆରେ ବାଲେଶ୍ବର ଡିଏଲଏସ୍ ମେଥଡ୍ରେ ଭୁବନେଶ୍ବର-ବି’କୁ ୧୬୨ ରନ୍ରେ ପରାସ୍ତ କରିଛି। ବାଲେଶ୍ବର ୬ ୱିକେଟ୍ ହରାଇ ୩୭୯ ରନ୍ କରିଥିଲା। ନିର୍ବିଶଙ୍କର ବାରିକ ୧୨୩ ବଲ୍ରୁ ୧୮୨ ରନ୍ ଓ ଆଶୁତୋଷ ମାରାଣ୍ଡି ୧୪୬ ବଲ୍ରୁ ୧୪୩* ରନ୍ କରିଥିଲେ। ଜବାବରେ ଭୁବନେଶ୍ବର ଦଳ ୨୪ ଓଭରରେ ୬ ୱିକେଟ୍ ହରାଇ ୧୧୩ ରନ୍ କରିଥିଲା। ଡିଏଲ୍ଏସ୍ ମେଥଡ୍ରେ ବାଲେଶ୍ବର ବିଜୟୀ ହୋଇଥିଲା। ଡ୍ରିମ୍ସ ପଡିଆରେ ପୁରୀ ଡିଏଲ୍ଏସ୍ ମେଥଡ୍ରେ ଜଗତସିଂହପୁରକୁ ୩୫ ରନରେ ହରାଇଛି। ପୁରୀ ୪୮ ଓଭରରେ ୭ ୱିକେଟ୍ ହରାଇ ୨୫୯ ରନ୍ କରିଥିଲା। ଶକ୍ତି ଦାସ ୧୧୭ ବଲ୍ରୁ ୧୦୦ ରନ୍ କରିଥିଲେ। ଜବାବରେ ଜଗତସିଂହପୁର ୨୩.୩ ଓଭରରେ ୩ ୱିକେଟ୍ ହରାଇ ୮୧ ରନ୍ କରିଥିଲା। ଡିଏଲଏସ୍ ମେଥଡରେ ପୁରୀକୁ ବିଜୟୀ ଘୋଷଣା କରାଯାଇଥିଲା।