କଳାହାଣ୍ତି କପ୍ ଟ୍ବେଣ୍ଟି-୨୦ ସୁପରଲିଗ୍: ଵାଲଟର ଟପ୍ନୋଙ୍କ ଅଲ୍ରାଉଣ୍ତ ପ୍ରଦର୍ଶନ
୧୮ ବଲ୍ରୁ ଅର୍ଦ୍ଧଶତକ କଲେ ସର୍ବେଶ୍ବର
କଟକ: କଳାହାଣ୍ତି କପ୍ ଟ୍ବେଣ୍ଟି-୨୦ ସୁପରଲିଗ୍ରେ ମଙ୍ଗଳବାର ଓଡ଼ିଶା ବ୍ଲୁ, ରାଉରକେଲା, ଓଡ଼ିଶା ପିଙ୍କ୍, ଖୋର୍ଦ୍ଧା, ସୁନ୍ଦରଗଡ଼ ଏବଂ ଓଡ଼ିଶା ଭାଓଲେଟ ବିଜୟୀ ହୋଇଛନ୍ତି। ରେଭେନ୍ସା ପଡ଼ିଆରେ ଓଡ଼ିଶା ବ୍ଲୁ ୬ ଵିକେଟ୍ରେ ଓଡ଼ିଶା ୟେଲୋକୁ ପରାସ୍ତ କରିଛି। ୟେଲୋ ୧୬.୪ ଓଭରରେ ସମସ୍ତ ଵିକେଟ ହରାଇ ୬୫ ରନ୍ କରିଥିଲା। କେଜି କ୍ରିଷ୍ଣା ୪, ଲେଲିନ ବଳ ଓ ନିଲୁ ପ୍ରଧାନ ୨ ଵିକେଟ ଲେଖାଏଁ ପାଇଥିଲେ। ଜବାବରେ ବ୍ଲୁ ୧୪.୧ ଓଭରରେ ୪ ଵିକେଟ କ୍ଷତିରେ ମ୍ୟାଚ୍ ଜିତିଥିଲା। ସନ୍ଦୀପ ପଟ୍ଟନାୟକ ୧୬, ସୁକେଶ ହିରା ୧୯, ସୌରଭ ଗୌଡ଼ ୧୫ ରନ୍ କରି ଦଳକୁ ଜିତାଇଥିଲେ। ପ୍ରତିପକ୍ଷର ନୀତୀଶ ସାମନ୍ତରାୟ ୪ଟିଯାକ ଵିକେଟ୍ ନେଇଥିଲେ।
Sambad is now on WhatsApp
Join and get latest news updates delivered to you via WhatsApp
ରେଭେନ୍ସା ୨ ନମ୍ବର ପଡ଼ିଆରେ ରାଉରକେଲା ୧ ରନ୍ରେ ଝାରସୁଗୁଡ଼ାକୁ ହରାଇଛି। ରାଉରକେଲା ୪ ଵିକେଟ୍ ହରାଇ ୧୫୫ ରନ୍ କରିଥିଲା। ସ୍ବସ୍ତିକ ସାମଲ ୫୦, ବ୍ୟାସଦେବ ବେହେରା ୫୫* ରନ୍ କରିଥିଲା ବେଳେ ସନ୍ତୋଷ ଯାଦବ ୨ ଵିକେଟ୍ ନେଇଥିଲେ। ଜବାବରେ ଝାରସୁଗୁଡ଼ା ନିର୍ଧାରିତ ଓଭରରେ ୭ ଵିକେଟ ହରାଇ ୧୫୪ ରନ୍ କରିଥିଲା। ସାଗର ରାଉତ ସର୍ବାଧିକ ୪୬ ରନ୍ କରିଥିଲେ। ଏସ୍ସିବି ମେଡିକାଲ ପଡ଼ିଆରେ ଓଡ଼ିଶା ପିଙ୍କ୍ ୧୭ ରନ୍ରେ ଓଡ଼ିଶା ରେଡ୍କୁ ପରାସ୍ତ କରିଛି। ବିଶ୍ବଭୂଷଣ ବିହାରୀଙ୍କ ୪୯ ରନ୍ ସହାୟତାରେ ପିଙ୍କ୍ ୭ ଵିକେଟ୍ ବିନିମୟରେ ୧୨୮ ରନ୍ କରିଥିଲା। ଧୀରାଜ ସି˚ହ ୩, ବିକାଶ ରାଉତ ୨ ଵିକେଟ୍ ନେଇଥିଲେ। ଜବାବରେ ରେଡ୍ ୮ ଵିକେଟ ବିନିମୟରେ ୧୧୧ ରନ୍ କରିପାରିଥିଲା। ଅଧିନାୟକ ଅନୁରାଗ ଷଡ଼ଙ୍ଗୀ ୩୪ ରନ୍ କରିଥିଲେ। ସତ୍ୟଜିତ ସି˚ହଦେଓ ଓ ନୌତମ ଭଞ୍ଜ ୩ ଲେଖାଏଁ ଵିକେଟ ନେଇଥିଲେ।
ସନସାଇନ୍ ପଡ଼ିଆରେ ଖୋର୍ଦ୍ଧା ୩୯ ରନ୍ରେ ଇକୋର୍ସାକୁ ପରାସ୍ତ କରିଛି। ସିଦ୍ଧାନ୍ତ ଜେନାଙ୍କ ୬୧ ଓ ର˚ଜିତ ପାଇକରାୟଙ୍କ ୫୪ ରନ୍ ସହାୟତାରେ ଖୋର୍ଦ୍ଧା ୬ ଵିକେଟ ବିନିମୟରେ ୧୬୩ ରନ୍ କରିଥିଲା। ଅଙ୍କିତ ଯାଦବ ୨ ଵିକେଟ୍ ନେଇଥିଲେ। ଜବାବରେ ଇକୋର୍ସା ୮ ଵିକେଟ ହରାଇ ୧୨୪ ରନ୍ କରିବାକୁ ସକ୍ଷମ ହୋଇଥିଲା। ସୁଜିତ ଲେଙ୍କା ୩୬ ରନ୍ କରିଥିଲେ। ବିଜୟୀ ଦଳର ସୁଧାକର ଜାନି ଓ ସୁମିତ ମହାରଣା ତିନିଟି ଲେଖାଏଁ ଵିକେଟ ପାଇଥିଲେ। ନିମପୁର ପଡ଼ିଆରେ ସୁନ୍ଦରଗଡ଼ ୧୩ ରନ୍ରେ ଓଡ଼ିଶା ଗ୍ରିନ୍କୁ ପରାସ୍ତ କରିଛି। ସୁନ୍ଦରଗଡ଼ ୯ ଵିକେଟ ହରାଇ ୧୧୨ ରନ୍ କରିଥିଲା। ଵାଲ୍ଟର ଟପ୍ପୋ ୬୨ ରନ୍ କରିଥିଲା ବେଳେ ପ୍ରତିପକ୍ଷର ରଶ୍ମିର˚ଜନ ସାହୁ ୩, ହର୍ଷିତ ରାଥୋଡ଼ ଓ ଦେବବ୍ରତ ପ୍ରଧାନ ୨ ଵିକେଟ୍ ଲେଖାଏଁ ନେଇଥିଲେ। ଗ୍ରିନ୍ ପାଇଁ ଅ˚ଶୁମାନ ରଥ (୨୯), ରାକେଶ ବିଶ୍ବାଳ (୧୫), ପ୍ରତୀକ ଦାସ (୨୬) ଆରମ୍ଭରୁ ପାଳି ସମ୍ଭାଳିବା ସତ୍ତ୍ବେ ଦଳ ମାତ୍ର ୯୯ ରନ୍ରେ ସମସ୍ତ ଵିକେଟ୍ ହରାଇଥିଲା। ଵାଲଟର ଟପ୍ପୋ ୪ ଵିକେଟ୍ ଅକ୍ତିଆର କରି ଅଲରାଉଣ୍ତ ପ୍ରଦର୍ଶନ ଦେଇଥିଲେ। ଅମିତ ଦାସ ଓ ସୌଭାଗ୍ୟ ରାଉତ ୨ ଵିକେଟ୍ ଲେଖାଏଁ ପାଇଥିଲେ।
ବିଡ଼ାନାସୀ ପଡ଼ିଆରେ ଓଡ଼ିଶା ଭାଓଲେଟ ୧୪୪ ରନ୍ରେ କଟକ ଏ’କୁ ହରାଇଛି। ଭାଓଲେଟ ୫ ଵିକେଟ ହରାଇ ୨୧୫ ରନ୍ କରିଥିଲା। ଶାନ୍ତନୁ ମିଶ୍ର ୩୧ ବଲ୍ରୁ ୪୫, ଆଦିତ୍ୟ ରାଉତ ୫୪ ବଲ୍ରୁ ୮୭, ସର୍ବେଶ୍ବର ମହାନ୍ତି ୨୦ ବଲ୍ରୁ ୬୨* ରନ୍ କରିଥିଲେ। ସର୍ବେଶ୍ବର ମାତ୍ର ୧୮ ବଲ୍ରୁ ଅର୍ଧଶତକ ପୂରଣ କରିଥିଲେ। ବିଶାଳ ରନ୍କୁ ପିଛା କରିବାକୁ ଯାଇ କଟକ ଏ’ ୭୦ ରନ୍ରେ ଆଉଟ୍ ହୋଇଥିଲା। ଆଦିତ୍ୟ ବାସା ୩ ଓଭରରେ ୪ ରନ୍ ନେଇ ୫ ଵିକେଟ୍ ସଫଳତା ହାତେଇଥିଲେ।