ତୃତୀୟ ରାଉଣ୍ଡରେ ଅଷ୍ଟ୍ରିଆର ସୋଫିଆ ପୋଲକାନୋଭାଙ୍କଠାରୁ ହାରିଲେ ଭାରତର ଷ୍ଟାର ଟେବୁଲ ଟେନିସ୍ ଖେଳାଳି ମନିକା ବାତ୍ରା
ଟୋକିଓ: ଗତକାଲି ଭାରତର ଷ୍ଟାର ଟେବୁଲ ଟେନିସ୍ ଖେଳାଳି ମନିକା ବାତ୍ରାଙ୍କର ଜବରଦସ୍ତ ପ୍ରଦର୍ଶନ ଦେଖିବାକୁ ମିଳିଥିବା ବେଳେ ଆଜି ସେ ଭାରତକୁ ନିରାଶ କରିଛନ୍ତି | ଟୋକିଓ ଅଲିମ୍ପିକ୍ସରେ ଭାରତର ମନିକା ବାତ୍ରାଙ୍କ ଯାତ୍ରା ଶେଷ ହୋଇଛି।
Sambad is now on WhatsApp
Join and get latest news updates delivered to you via WhatsApp
ତୃତୀୟ ରାଉଣ୍ଡ ମ୍ୟାଚରେ ସେ ଅଷ୍ଟ୍ରିଆର ସୋଫିଆ ପୋଲକାନୋଭାଙ୍କଠାରୁ ପରାଜୟ ହୋଇଛନ୍ତି । ମନିକା ୦-୪ରେ ପରାସ୍ତ ହୋଇଥିବା ଜଣାପଡ଼ିଛି। ସୋଫିଆ ପୋଲକାନୋଭା ପ୍ରଥମ ଖେଳ ୧୧-୮, ଦ୍ୱିତୀୟ ୧୧-୨, ତୃତୀୟ ୧୧-୫ ଏବଂ ଚତୁର୍ଥ ୧୧-୭ରେ ଜିତିଛନ୍ତି | ଏହି ମ୍ୟାଚ୍ ମୋଟ ୨୭ ମିନିଟ୍ ପର୍ଯ୍ୟନ୍ତ ଚାଲିଥିବା ବେଳେ ମନିକା ସୋଫିଆଙ୍କୁ କଡ଼ା ଟକ୍କର ଦେବାକୁ ଚେଷ୍ଟା କରି ମଧ୍ୟ ହାରି ଯାଇଥିଲେ |
ଗତକାଲି ସେ ଓମେନ ସିଙ୍ଗିଲ ଦ୍ୱିତୀୟ ରାଉଣ୍ଡରେ ବିଜୟୀ ହୋଇ ପରବର୍ତ୍ତୀ ରାଉଣ୍ଡକୁ ଉତ୍ତୀର୍ଣ୍ଣ ହୋଇଛନ୍ତି । କଡ଼ା ମୁକାବିଲାରେ ସେ ୟୁକ୍ରେନର ମାର୍ଗାରିଟା ପେସୋଟସ୍କାଙ୍କୁ ୪-୩ରେ ହରାଇଥିଲେ । ମନିକା ମାର୍ଗାରିଟା ପେସୋଟସ୍କାଙ୍କୁ ୪-୧୧, ୪-୧୧, ୧୧-୦୭, ୧୨-୧୦, ୮-୧୧, ୧୧-୧୫ ଓ ୧୧-୧୭ରେ ହରାଇ ବିଜୟୀ ହୋଇଥିଲେ । ପଞ୍ଚମ ଗେମ୍ ପର୍ଯ୍ୟନ୍ତ କଡ଼ା ମୁକବିଲା ଦେଖିବାକୁ ମିଳିଥିଲା । ହେଲେ ଷଷ୍ଠ ରାଉଣ୍ଡରେ ବିଜୟୀ ହୋଇଥିଲେ ମନିକା।