ୱେଷ୍ଟଇଣ୍ଡିଜ୍ ଶୃଙ୍ଖଳା ଜିତିଲା, ଦକ୍ଷିଣ ଆଫ୍ରିକା ୭ ରନ୍ରେ ପରାସ୍ତ
ଜୋହାନ୍ସବର୍ଗ : ଦକ୍ଷିଣ ଆଫ୍ରିକା ବିପକ୍ଷ ଟ୍ବେଣ୍ଟି-୨୦ ଶୃଙ୍ଖଳାକୁ ଭ୍ରମଣକାରୀ ୱେଷ୍ଟଇଣ୍ଡିଜ୍ ୨-୧ରେ ଜିତିଯାଇଛି। ମଙ୍ଗଳବାର ରାତିରେ ଖେଳାଯାଇଥିବା ତୃତୀୟ ତଥା ଅନ୍ତିମ ମ୍ୟାଚ୍ରେ ମଧ୍ୟ ୱେଷ୍ଟଇଣ୍ଡିଜ୍ ୭ ରନ୍ରେ ବିଜୟୀ ହୋଇ ଏହି ଗୌରବ ପାଇଛି। ଦ୍ବିତୀୟ ମ୍ୟାଚ୍ରେ ୨୫୮ ରନ୍ କରି ହାରିଥିଲା ୱେଷ୍ଟଇଣ୍ଡିଜ୍।
Sambad is now on WhatsApp
Join and get latest news updates delivered to you via WhatsApp
ମଙ୍ଗଳବାର ପ୍ରଥମେ ବ୍ୟାଟିଂ କରିଥିବା ୱେଷ୍ଟଇଣ୍ଡିଜ୍ ବିନା ଅର୍ଦ୍ଧଶତକରେ ୨୨୦ ରନ୍ କରିଥିଲା। ରୋମାରିଓ ସେଫର୍ଡ (୪୪*), ନିକୋଲାସ ପୂରନ (୪୧), ବ୍ରେଣ୍ଡନ୍ କିଙ୍ଗ୍ (୩୬) ଭଲ ଖେଳିଥିଲେ। ସେଫର୍ଡଙ୍କ ଆକ୍ରମଣ କାରଣରୁ ଶେଷ ଦୁଇ ଓଭରରୁ ଇଣ୍ଡିଜ୍ ୪୩ ରନ୍ ଆଦାୟ କରିଥିଲା। ୩ ପେସ୍ ବୋଲର ରବାଦା, ଏନଗିଡି, ନର୍ଖିୟା ୨ ଲେଖାଏଁ ୱିକେଟ୍ ନେଇଥିଲେ। ଜବାବରେ ରିଜା ହେଣ୍ଡ୍ରିକ୍ସ (୮୩), ରିଲି ରୋସେୟୁ (୪୨), ମାରକ୍ରମ (୩୫*) ବିସ୍ଫୋରକ ବ୍ୟାଟିଂ କରିଥିଲେ। ଅଲଜାରି ଯୋସେଫ୍ (୪-୦-୪୦-୫) କିନ୍ତୁ ୧୯ତମ ଓଭରରେ ୩ ୱିକେଟ୍ ଦଖଲ କରି ଦକ୍ଷିଣ ଆଫ୍ରିକା ଆଶାରେ ପାଣି ଭରି ଦେଇଥିଲେ। ଘରୋଇ ଦଳ ଶେଷକୁ ୨୧୩ ରନ୍ରେ ଅଟକିଯାଇଥିଲା।