ନାବାଳକ ଅପହର୍ତ୍ତାଙ୍କ ୧୦ ଲକ୍ଷ ଦାବି
ଝାରସୁଗୁଡ଼ା : ଝାରସୁଗୁଡ଼ା ଟାଉନ ଥାନା ଅନ୍ତର୍ଗତ ସରବାହାଲଠାରେ ଥିବା କ୍ରିଷ୍ଣ ଏନ୍କ୍ଲେଭରୁ ଜଣେ ନାବାଳକଙ୍କୁ ଅପହରଣ କରାଯାଇଛି। ନାବାଳକର ମୁକ୍ତି ବଦଳରେ ତାଙ୍କ ପିତାଙ୍କୁ ୧୦ ଲକ୍ଷ ଟଙ୍କା ଦାବି କରିଛନ୍ତି ଅପହର୍ତ୍ତା।
Sambad is now on WhatsApp
Join and get latest news updates delivered to you via WhatsApp
ଝାରସୁଗୁଡା ଆଇଆଇସି ସାବିତ୍ରୀ ବଳଙ୍କ ଠାରୁ ପ୍ରକାଶ ଯେ ଆଜି ଏହି ଏନ୍କ୍ଲେଭ୍ରେ ରହୁଥିବା ବ୍ୟବସାୟୀ ସୁନିତ ଅଗ୍ରୱାଲଙ୍କ ୧୫ ବର୍ଷର ପୁତ୍ର ସମର୍ଥ ସନ୍ଧ୍ୟାରେ ଇଲେକ୍ଟ୍ରିକ ସ୍କୁଟିରେ ଘରୁ ଯାଇ ଆଉ ଫେରି ନଥିଲେ। ପରେ ଏକ ଅଜଣା ନମ୍ବରରୁ ଜଣେ ବ୍ୟକ୍ତି ସୁନିତଙ୍କୁ ଫୋନରେ ଧମକ ଦେଇଥିଲେ। ପୁଅକୁ ପାଇବାକୁ ହେଲେ ୧୦ ଲକ୍ଷ ଟଙ୍କା ଦେବାକୁ ଦାବି କରିଥିଲା। ଏ ନେଇ ଏକ ମାମଲା ହୋଇଥିଲା ବେଳେ ପୁଲିସ ତଦନ୍ତ ଜାରିରଖିଛି।