ପୁଲିସକୁ ବଡ଼ ସଫଳତା : ସର୍ଚ୍ଚ ଅପରେସନ୍ ବେଳେ ଗୁଳି ବିନିମୟ, ୩ ମାଓବାଦୀ ନିହତ
କୋରାପୁଟ: ପୁଲିସ ଓ ମାଓବାଦୀଙ୍କ ମଧ୍ୟରେ ଗୁଳିବିନିମୟ ଘଟି ୩ ମାଓବାଦୀ ନିହତ ହୋଇଥିବା ଓ ବହୁ ମାଓବାଦୀ ଆହତ ହୋଇଥିବା ଜଣାପଡ଼ିଛି। କୋରାପୁଟ ଜିଲ୍ଲା ନାରାୟଣପାଟଣା ଅଞ୍ଚଳର ଡୋକରୀ ଘାଟିରେ ଏହି ଘଟଣା ଘଟିଥିବା ସୂଚନା ମିଳିଛି। ଘଟଣାସ୍ଥଳରୁ ବହୁଳ ପରିମାଣର ଅସ୍ତ୍ରଶସ୍ତ୍ର ଓ ମାଓ ସାମଗ୍ରୀ ମିଳିଥିବା ପ୍ରାଥମିକ ରିପୋର୍ଟରୁ ପ୍ରକାଶ। ଏହା ପୁଲିସର ଏକ ବଡ଼ ସଫଳତା ବୋଲି କୁହାଯାଉଛି।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁଯାୟୀ, ଡୋକରୀ ଜଙ୍ଗଲରେ ମାଓବାଦୀଙ୍କ ଗତିବିଧି ବିଷୟ ଜଣା ପଡ଼ିବା ପରେ ଡିଭିଏଫ୍ ଓ ଏସ୍ଓଜି ଯବାନମାନେ ସର୍ଚ୍ଚ ଅପରେସନ୍ ଆରମ୍ଭ କରିଥିଲେ । ପୁଲିସ୍ ପାର୍ଟିକୁ ଦେଖି ମାଓବାଦୀମାନେ ଗୁଳି ଚଳନା ଆରମ୍ଭ କରିଥିଲେ । ଏହାର ଜବାବରେ ଏସ୍ଓଜି ଯବାନମାନେ ମଧ୍ୟ ଗୁଳି ଚଳାଇଥିଲେ। ଦୀର୍ଘ ସମୟରେ ଧରି ଗୁଳି ବିନିମୟ ଚାଲିବା ପରେ ମାଓବାଦୀମାନେ ଘଟଣାସ୍ଥଳରୁ ପଳାଇଯାଇ ଥିଲେ। ଏବେ ମଧ୍ୟ ସେହି ଜଙ୍ଗଲରେ କୋରାପୁଟ ଏସପିଙ୍କ ତତ୍ତ୍ବାବଧାନରେ କମ୍ୱିଂ ଅପରେସନ୍ ଚାଲିଛି।