କାର୍ବାଇଡ୍ ଟାଙ୍କି ଫାଟି ୩ ବର୍ଷର ଶିଶୁ ମୃତ, ଜଣେ ମିସ୍ତ୍ରୀ ଗୁରୁତର
ରାଉରକେଲା: କାର୍ବାଇଡ୍ ଟାଙ୍କି ଫାଟି ଜଣେ ତିନି ବର୍ଷ ଶିଶୁର ମୃତ୍ୟୁ ହୋଇଛି l ଅନ୍ୟ ଜଣେ ଗୁରୁତର ଆହତ ହୋଇଛନ୍ତି l ଏମିତି ଅଭାବନୀୟ ଘଟଣା ଘଟିଛି ସୁନ୍ଦରଗଡ଼ ଜିଲ୍ଲାର ଲହୁଣୀପଡ଼ା ଥାନାର ଟେନସା ଫାଣ୍ତି ଅଧିନସ୍ଥ ବରସୁଆଁ ଗ୍ରାମରେ l
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁଯାୟୀ, ଅନ୍ନି ଆନସାରୀ ନାମକ ଜଣେ ଲୋକଙ୍କ ଡେଣ୍ଟିଙ୍ଗ ଗ୍ୟାରେଜରେ ମାଲବାହୀ ଗାଡ଼ିଗୁଡିକର ଡେଣ୍ଟିଙ୍ଗ କାମ କରୁଥିଲେ l ସେଠାରେ ହଠାତ୍ କାର୍ବାଇଡ ଟାଙ୍କିଟି ଫାଟିଥିଲା l ତେବେ ପାଖରେ ଥିବା ୩ ବର୍ଷର ଶିଶୁ ଛୁଆଟି ଘଟଣା ସ୍ଥଳରେ ମୃତ ହେଇଥିବା ବେଳେ ଆଉ ଜଣେ ମିସ୍ତ୍ରୀ ଗୁରୁତର ଆହତ ହୋଇଛନ୍ତି l
ଆହତ ମିସ୍ତ୍ରୀଙ୍କୁ ଲହୁଣୀପଡ଼ା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ଚିକିତ୍ସା ପାଇଁ ନିଆଯାଇଛି l ଘଟଣା ସ୍ଥଳରେ ଟେନସା ଫାଣ୍ତି ପୁଲିସ୍ ପହଞ୍ଚି ଶବକୁ ଜବତ କରି ଘଟଣାର ଅଧିକ ତଦନ୍ତ ଚଳାଉଥିବାର ଜଣାପଡ଼ିଛି l ଏହି ଘଟଣା ସେହି ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି କରିଛି।