ହାଇଦର ଫେରାର୍ ଘଟଣାରେ ଏତଲା ଦେଲେ କନଷ୍ଟେବଳ, ପୁଅ ଓ ଜ୍ୱାଇଁ ଭେଟିବାକୁ ଆସିଥିଲେ
କଟକ : ଗ୍ୟାଙ୍ଗଷ୍ଟାର ହାଇଦର ଫେରାର୍ ଘଟଣାକୁ ନେଇ କଟକ ମଙ୍ଗଳାବାଗ ଥାନାରେ ଏତଲା ଦେଇଛନ୍ତି ସେଦିନ ସୁରକ୍ଷା ଦାୟିତ୍ୱରେ ଥିବା କନେଷ୍ଟବଳ । କନେଷ୍ଟବଳଙ୍କ ଏତଲା ମୁତାବକ ଫେରାର ହେବା ଦିନ ହାଇଦରଙ୍କୁ ତାଙ୍କ ପୁଅ ଓ ଜ୍ୱାଇଁ ଭେଟିବାକୁ ଆସିଥିଲେ । ଏହି ଏତଲା ପରେ ଏବେ ପୁଲିସ ହାଇଦରଙ୍କ ପୁଅ ଓ ଜ୍ୱାଇଁଙ୍କୁ ଜେରା କରିପାରେ ବୋଲି ଆଶା କରାଯାଉଛି।
Sambad is now on WhatsApp
Join and get latest news updates delivered to you via WhatsApp
ଅନ୍ୟପଟେ ହାଇଦରର ସହଯୋଗୀ କୁହାଯାଉଥିବା ୟାକୁବ୍ ଖାଁ ଆଜି କଟକ ଚାଉଳିଆଗଞ୍ଜ ଥାନାରେ ଆତ୍ମସମର୍ପଣ କରିଛି । ସୂଚନା ଅନୁସାରେ ୟାକୁବ୍ ଏସସିବି ଭିତରେ ହାଇଦରକୁ ଭେଟିବା ସହ ତାକୁ ବିରିୟାନୀ ଖାଇବାକୁ ଦେଇଥିଲା । ହେଲେ ସେ ହାଇଦର ଫେରାର ବାବଦରେ କିଛି ଜାଣିନାହିଁ ବୋଲି ପୁଲିସକୁ କହିଛି।
ହାଇଦରକୁ ଧରିବା ଲାଗି ପୂରା ରାଜ୍ୟ ପୋଲିସ ଚାରିଆଡେ ଛାନଭିନ୍ କରିବା ସହ ସମସ୍ତ ଜିଲ୍ଲାର ସୀମାକୁ ସିଲ କରି ତନଖି ଚଳାଇଛି । ଏହାସହ ହାଇଦର ରହୁଥିବା ସମ୍ବଲପୁର ଜେଲ ଅଧିକ୍ଷକ ଆଜି ଏକ ସାମ୍ବାଦିକ ସମ୍ମିଳନୀ କରି କହିଛନ୍ତି କି ହାଇଦରକୁ ଚିକିତ୍ସା ପାଇଁ ପ୍ରଥମେ ବୁର୍ଲା ମେଡିକାଲ ନିଆଯାଇଥିଲା । ସେଠାରେ ଡାକ୍ତରଙ୍କ ପରାମର୍ଶକ୍ରମେ ତାଙ୍କୁ କଟକ ଏସସିବି ସ୍ଥାନାନ୍ତର କରାଯାଇଥିଲା।