ଭୁବନେଶ୍ୱର : ଓଡ଼ିଶା ଉପକୂଳରେ ଅବସ୍ଥିତ ଗୋପାଳପୁର ବନ୍ଦରରେ ପ୍ରଥମ କେପସାଇଜଡ୍ ଜାହାଜ ଲାଗିଛି । ପ୍ରାୟ ୧୦୫,୦୦୦ ଟନ ଚୂନପଥର ବୋଝେଇ ହୋଇଥିବା ଏହି ଜାହାଜଟି ଗତ ଶନିବାର ଅର୍ଥାତ ଅକ୍ଟୋବର ୧୨ ତାରିଖ ଦିନ ବନ୍ଦରରେ ଲାଗିଥିଲା ।
ଗୋପାଳପୁର ବନ୍ଦରର ଏକ ପ୍ରମୁଖ ଗ୍ରାହକ ଜେଏସପିଏଲ ଉପସାଗରୀୟ ଅଞ୍ଚଳରୁ ଏହି ଚୂନପଥରକୁ ଏସାର ସିପିଂର ଜାହାଜରେ ଆମଦାନୀ କରିଛି । ଗୋପାଳପୁର ବନ୍ଦରର ଏବେ ସଂପ୍ରସାରଣ କାର୍ଯ୍ୟ ଚାଲିଛି । ଏହା ମଧ୍ୟମରେ ବନ୍ଦରର ଚ୍ୟାନେଲକୁ ଖୋଳି ଅଧିକ ଗଭୀର କରାଯାଉଛି, ଯେପରିକି ବଡ଼ ବଡ଼ ଜାହାଜ ବନ୍ଦରରେ ପ୍ରବେଶ କରିପାରିବ । ଏହି ସଂପ୍ରସାରଣ ଫଳରେ ଗୋପାଳପୁର ବନ୍ଦର ଏବେ ଭାରତର କେତେକ ମୁଷ୍ଟିମେୟ ବନ୍ଦର ମଧ୍ୟରେ ସାମିଲ ହୋଇଛି ଯେଉଁଠାରେ ବୃହତ କେପସାଇଜ ଜାହାଜ ପ୍ରବେଶ କରିପାରିବ ।
Sambad is now on WhatsApp
Join and get latest news updates delivered to you via WhatsApp
ଏହି ଅବସରରେ ସାପୁରଜୀ ପାଲୁନ ଜୀ ପୋର୍ଟ ମେଣ୍ଟୋନାନ୍ସ ପ୍ରା ଲିଃର ପରିଚାଳନା ନିର୍ଦ୍ଦେଶକ ଅମିତ ସାବୁ କହିଛନ୍ତି ଯେ ଅଳ୍ପ ସମୟ ମଧ୍ୟରେ ହିଁ ସାପୁରଜୀ ପାଲୁନଜୀ ଗୋପାଳପୁର ପୋର୍ଟକୁ ଏକ ବିଶ୍ୱସ୍ତରୀୟ ବନ୍ଦରରେ ପରିଣତ କରିପାରିଛି ।