କୋରାପୁଟ: କୋରାପୁଟ ପୌରାଧ୍ୟକ୍ଷ ପଦବୀ ପାଇଁ ଚତୁର୍ମୁଖୀ ଲଢେଇ ହେବ। ବିଜେଡିରୁ ଲଲାଟ ରଞ୍ଜନ ସେଠୀ, କଂଗ୍ରେସରୁ ଦେବାନନ୍ଦ ବେହେରା, ବିଜେପିରୁ ଜି.ସଞ୍ଜୀବ କୁମାର ଓ ସ୍ବାଧୀନ ପ୍ରାର୍ଥୀ ଭୂଷିତ କୁମାର ବିଡିକାଙ୍କ ମଧ୍ୟରେ ପ୍ରତିଦ୍ବନ୍ଦିତା ହେବ। ପ୍ରାୟ ୨୧ଟି ୱାର୍ଡର ୩୨ ହଜାର ଭୋଟର ଏହି ଚାରିଜଣଙ୍କର ଭାଗ୍ୟ ନିର୍ଦ୍ଧରଣ କରିବେ। ଆସନ୍ତା କାଲିଠାରୁ ପ୍ରଚାର ଜୋରସୋରରେ ଆରମ୍ଭ ହେବାକୁ ରହିଥିବାବେଳେ ମଇଦାନାକୁ ଓହ୍ଲେଇବେ ଏମପି, ଏମଏଲଏ ଓ ହେବିୱେଟ ରାଜନେତା। ଆସନ୍ତାକାଲିଠାରୁ ସ୍ବାଧୀନପ୍ରାର୍ଥୀ ମଧ୍ୟ ନିଜ ପାଇଁ ଭୋଟ ଭିକ୍ଷା କରୁଥିବା ଦେଖିବାକୁ ମିଳିଛି।
Sambad is now on WhatsApp
Join and get latest news updates delivered to you via WhatsApp
୨୧ ୱାର୍ଡ ବିଶିଷ୍ଟ କୋରାପୁଟ ପୌରପାଳିକାରେ ଆଜି ଜଣେ ଅଧ୍ୟକ୍ଷ ଓ ୨୧ କାଉଉନସିଲର ପାର୍ଥୀ ପ୍ରାର୍ଥୀପତ୍ର ପ୍ରତ୍ୟାହାର କରିଛନ୍ତି । ସ୍ୱାଧିନ ଅଧ୍ୟକ୍ଷ ପ୍ରାର୍ଥୀ ଭାବେ ନାମାଙ୍କନ ପତ୍ର ଦାଖଲ କରିଥିବା ଶୁକ୍ରୁ ଖରା ପ୍ରାର୍ଥୀ ପତ୍ର ପ୍ରତ୍ୟାହାର କରିଛନ୍ତି । ସେହିପରି କାଉନସିଲର ପ୍ରାର୍ଥୀ ସ୍ୱାଧିନ ଭାବେ ନାମାଙ୍କନ ପତ୍ର ଦାଖଲ କରିଥିବା ୱାର୍ଡ ନମ୍ବର – ୨ ର ଅମିତା ମାଝୀ ଓ ବି. ଶ୍ରୀଦେବୀ, ୱାର୍ଡ ନମ୍ବର – ୬ ର ସଲମନ ଖୋସ୍ଲା, ୱାର୍ଡ ନମ୍ବର –୭ର ବିଦେସୀ ବେହେରା ଓ ରାମଚନ୍ଦ୍ର ବେହେରା, ୱାର୍ଡ ନମ୍ବର –୧୨ର ସଞ୍ଜୁଲତା ରାଉତ, ୱାର୍ଡ ନମ୍ବର –୧୫ର ନିଳାମ୍ବର ମାଳି, ୱାର୍ଡ ନମ୍ବର –୧୭ର ନିୟତି ପରଜା ଏବଂ ୱାର୍ଡ ନମ୍ବର –୧୮ର ତୁଳସୀ ହନ୍ତାଳ ଓ ହିରା ନାୟକ ପ୍ରମୁଖ ଆଜି ନାମାଙ୍କନ ପତ୍ର ପ୍ରତ୍ୟାହାର କରିଥିବା ଜଣାପଡିଛି ।
ଆଗାମୀ ନିର୍ବାଚନରେ ୪ଜଣ ଅଧ୍ୟକ୍ଷ ପ୍ରାର୍ଥୀ ଏବଂ ୮୦ ଜଣ କାଉନସିଲର ପ୍ରାର୍ଥୀ ଚୂଡାନ୍ତ ତାଲିକାରେ ନିର୍ବାଚନ ରଣାଙ୍ଗନରେ ପ୍ରତିଦ୍ୱନ୍ଦିତା କରିବେ ବୋଲି ଜଣାପଡିଛି । କୋରାପୁଟ ପୌରପାଳିକାରେ ଆଜି ସକାଳ ୧୧ଟାରୁ ୩ଟା ପର୍ଯ୍ୟନ୍ତ ପ୍ରାର୍ଥୀ ପତ୍ର ପ୍ରତ୍ୟାହାରର ସମୟସୀମା ରହିଥିବା ବେଳେ ଏହି ସମୟରେ ନିର୍ବାଚନ ଅଧିକାରୀ ତଥା ଉପ ଜିଲ୍ଲାପାଳ ଲଳିତ କୁମାର କଅଁର,ପୌରପାଳିକାର ନିର୍ବାହୀ ଅଧିକାରୀ ସ୍ୱସ୍ତିକ ଜମାଦାର ଓ ନିର୍ବାଚନ ସହାୟକ ସୀମାଞ୍ଚଳ ପଡିହାରୀ ପ୍ରମୁଖ ଉପସ୍ଥିତ ଥିଲେ ।