କଟକରୁ ଭଦ୍ରକ, ପାରାଦୀପ ଓ ପୁରୀକୁ ଗଡ଼ିବ ମେମୁ
ଭୁବନେଶ୍ବର : ପୁରୀ ଓ କଟକ, କଟକ ଓ ଭଦ୍ରକ ଏବଂ କଟକ ଓ ପାରାଦୀପ ମଧ୍ୟରେ ମେମୁ ଟ୍ରେନ୍ ଚଳାଚଳ ପାଇଁ ପୂର୍ବତଟ ରେଳପଥ ପକ୍ଷରୁ ନିଷ୍ପତ୍ତି ନିଆଯାଇଛି। ପୁରୀ-କଟକ ମେମୁ (୬୮୪୧୬) ୧୨ଏପ୍ରିଲରୁ ପୁରୀରୁ ପୂର୍ବାହ୍ନ ୮ଟାରେ ଛାଡ଼ି କଟକରେ ପୂର୍ବାହ୍ନ ୧୦ଟା ୪୫ରେ ପହଞ୍ଚିବାକୁ ଥିବା ବେଳେ କଟକ-ପୁରୀ ମେମୁ (୬୮୪୧୫) କଟକରୁ ଏପ୍ରିଲ ୧୩ ତାରିଖ ଅପରାହ୍ଣ ୪ଟା ୫୫ରେ ଛାଡ଼ି ପୁରୀରେ ସନ୍ଧ୍ୟା ୭ଟା ୪୫ରେ ପହଞ୍ଚିବ। ସେହିପରି କଟକ-ଭଦ୍ରକ ମେମୁ (୬୮୪୨୪) ଏପ୍ରିଲ୍ ୧୩ରେ କଟକରୁ ସକାଳ ୮ଟା ୪୫ରେ ଛାଡ଼ି ଭଦ୍ରକରେ ସେହିଦିନ ମଧ୍ୟାହ୍ନ ୧୨ଟା ୧୦ରେ ପହଞ୍ଚିବାକୁ ଥିବା ବେଳେ ଭଦ୍ରକ-କଟକ ମେମୁ (୬୮୪୨୩) ସେହିଦିନ ଅପରାହ୍ଣ ୧୨ଟା ୫୦ରେ ଛାଡ଼ି କଟକରେ ଅପରାହ୍ଣ ୪ଟା ୧୫ରେ ପହଞ୍ଚିବ।
କଟକ-ଭଦ୍ରକ ମେମୁ (୬୮୪୩୮) କଟକରୁ ୧୨ ଏପ୍ରିଲ ପୂର୍ବାହ୍ନ ୧୧ଟା ୫୫ରେ ଛାଡ଼ି ଭଦ୍ରକରେ ଅପରାହ୍ଣ ୨ଟା ୫ରେ ପହଞ୍ଚିବାକୁ ଥିବା ବେଳେ ଭଦ୍ରକ-କଟକ ମେମୁ (୬୮୪୩୭) ଭଦ୍ରକରୁ ୧୨ ଏପ୍ରିଲ ଅପରାହ୍ଣ ସାଢ଼େ ୩ଟାରେ ଛାଡ଼ି କଟକରେ ସନ୍ଧ୍ୟା ୬ଟା ୩୫ରେ ପହଞ୍ଚିବ। କଟକ-ପାରାଦୀପ ମେମୁ(୬୮୪୦୧) କଟକରୁ ୧୨ ଏପ୍ରିଲ ସନ୍ଧ୍ୟା ୭ଟାରେ ଛାଡ଼ି ପାରାଦୀପଠାରେ ରାତି ୮ଟା ୫୦ରେ ପହଞ୍ଚିବାକୁ ଥିବା ବେଳେ ପାରାଦୀପ-କଟକ ମେମୁ (୬୮୪୦୨) ପାରାଦୀପରୁ ୧୩ ଏପ୍ରିଲ ସକାଳ ୬ଟା ୩୦ରେ ଛାଡ଼ି କଟକରେ ପୂର୍ବାହ୍ନ ୮ଟା ୨୦ରେ ପହଞ୍ଚିବ।
Sambad is now on WhatsApp
Join and get latest news updates delivered to you via WhatsApp
ଭୁବନେଶ୍ୱର-ଜଗଦଲପୁର-ଭୁବନେଶ୍ୱର ବିଶେଷ ଟ୍ରେନ୍ ପରିବର୍ତ୍ତିତ ନମ୍ବର ସହିତ ଚଳାଚଳ କରିବ। ଭୁବନେଶ୍ୱର-ଜଗଦଲପୁର-ଭୁବନେଶ୍ୱର ବିଶେଷ ଟ୍ରେନ୍ ଭୁବନେଶ୍ୱରରୁ ୨୦ ଏପ୍ରିଲ ଏବଂ ଜଗଦଲପୁରରୁ ୨୧ ଏପ୍ରିଲରୁ ପରିବର୍ତ୍ତିତ ଟ୍ରେନ୍ ନମ୍ବର (୦୮୪୪୫/ ୦୮୪୪୬) ଭୁବନେଶ୍ୱର-ଜଗଦଲପୁର-ଭୁବନେଶ୍ୱର ବିଶେଷ ଟ୍ରେନ୍ ଭାବରେ ଚଳାଚଳ କରିବ।