ହତ୍ୟା ନା ଆତ୍ମହତ୍ୟା!! : ଦୁଇ ଯୁବତୀଙ୍କ ସନ୍ଦେହଜନକ ମୃତ୍ୟୁ
ନିଖୋଜ ଥିଲେ, ଝାଡ଼ଖଣ୍ଡରୁ ମୃତଦେହ ଉଦ୍ଧାର
କଳାବାଡ଼ିଆ : ମୟୂରଭଞ୍ଜ ଜିଲ୍ଲାରେ ୨ ଯୁବତୀଙ୍କ ମୃତ୍ୟୁକୁ ନେଇ ଆଜି ବିଭିନ୍ନ କଥା ଶୁଣିବାକୁ ମିଳୁଛି। ଏହି ଭଉଣୀ ୩ ଦିନ ତଳେ କେଉଁଆଡ଼େ ନିଖୋଜ ହୋଇଯାଇଥିଲେ। ଆଜି ଝାଡ଼ଖଣ୍ଡର ଏକ କୋଠରୀରୁ ଦୁହିଁଙ୍କ ମୃତଦେହ ମିଳିଥିଲା। ତେବେ, ଏହି ଦୁଇ ଜଣ ଆତ୍ମହତ୍ୟା କରିଛନ୍ତି, ଯଦି କରିଛନ୍ତି ଏହା ପଛରେ କାରଣ କ’ଣ? ନା’ ଦୁହିଁଙ୍କୁ ହତ୍ୟା କରାଯାଇଛି- ଏହିଭଳି ପ୍ରଶ୍ନରେ ଛନ୍ଦି ହୋଇଛନ୍ତି ଲୋକେ।
Sambad is now on WhatsApp
Join and get latest news updates delivered to you via WhatsApp
ଏହି ଦୁଇଜଣ ହେଲେ, ଜିଲ୍ଲାର ବାଙ୍ଗିରିପୋଷି ଥାନା ନିଶ୍ଚିନ୍ତା ପଞ୍ଚାୟତ ବଡ଼ପଥରଖମ(କଟୁଶୋଳ) ଗ୍ରାମର ଜୟନ୍ତ ନାଏକଙ୍କ ଏକମାତ୍ର ଝିଅ ରଶ୍ମିତା ଓ ସମ୍ପର୍କୀୟ ଭଉଣୀ ଗୁଡ଼ିଆ ପାତ୍ର। ଗୁଡିଆ ବାଙ୍ଗିରିପୋଷିସ୍ଥିତ ଲକ୍ଷୀକାନ୍ତ କଲେଜରେ +୨ ପ୍ରଥମ ବର୍ଷରେ ପଢ଼ୁଥିବା ରଶ୍ମିତାଙ୍କ ସହିତ ଦୀର୍ଘଦିନ ହେବ ଭଉଣୀ ସ˚ପର୍କ ରଖି ଘରକୁ ଯିବା ଆସିବା କରୁଥିଲେ। ତେବେ ଉଭୟ ହଠାତ୍ ଗତ ମଙ୍ଗଳବାର ଦିନ ଫେରାର ହୋଇ ଯାଇଥିଲେ। ତେବେ, ଝାଡ଼ଖଣ୍ତ ରାଜ୍ୟର ଟାଟା ନିକଟସ୍ଥ ଲାଲଡୁଙ୍ଗୁରୀ ୮ ନ˚ ରୋଡ୍ କୋଲନି ସାହିରେ ଏକ ଘରୁ ଝୁଲନ୍ତା ଅବସ୍ଥାରେ ଆଜି ଉଭୟଙ୍କ ମୃତଦେହ ଉଦ୍ଧାର କରାଯାଇଛି। ଟାଟା ପୁଲିସ୍ ମୃତକଙ୍କ ପରିବାର ଲୋକଙ୍କୁ ଖବର ଦେବାପରେ ବାପା ଜୟନ୍ତ ଓ ଗ୍ରାମବାସୀ ଗାଁକୁ ମୃତଦେହ ଧରି ଫେରିଛନ୍ତି। ଏହି ଘଟଣାକୁ ନେଇ ସମ୍ପୃକ୍ତ ଅଞ୍ଚଳରେ ଚର୍ଚ୍ଚା ଜୋର୍ ଧରିଛି।