ସ୍ବାମୀ ହତ୍ୟାକାରୀ ସ୍ତ୍ରୀ ସହ ଝିଅ ଗିରଫ
ରାଉରକେଲା : ସୁନ୍ଦରଗଡ଼ ଜିଲ୍ଲାର ବିଶ୍ରା ଥାନା କାଳିଆପୋଷ ଗାଆଁରେ ଜଣେ ବ୍ୟକ୍ତିଙ୍କୁ ହତ୍ୟା କରିବା ଅଭିଯୋଗରେ ତାଙ୍କ ପତ୍ନୀ ଓ ଝିଅଙ୍କୁ ଗିରଫ କରାଯିବା ଘଟଣା ଚାଞ୍ଚଲ୍ୟ ସୃଷ୍ଟି କରିଛି।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁଯାୟୀ, ଗତ ଶୁକ୍ରବାର ରାତିରେ କାଳିଆପୋଷ ଗାଆଁର ଏତୁଆ ମୁଣ୍ଡାରୀ ଘରକୁ ମଦ ପିଇ ଆସିଥିଲେl କୌଣସି କଥାକୁ କେନ୍ଦ୍ର କରି ପତ୍ନୀ ଓ ଝିଅଙ୍କ ସହ ଝଗଡ଼ା ହୋଇଥିଲା l ଏଥିରେ ରାଗି ଉଭୟ ମା ଓ ଝିଅ ଠେଙ୍ଗାରେ ଏତୁଆଙ୍କୁ ପ୍ରହାର କରି ଥିଲେ l ଫଳରେ ଘଟଣାସ୍ଥଳରେ ଏତୁଆଙ୍କର ମୃତ୍ୟୁ ହୋଇଥିଲା l
ଏତୁଆଙ୍କ ଭଉଣୀ ଏନେଇ ବିଶ୍ରା ଥାନାରେ ଏତଲା ଦେଇଥିଲେ। ଏହାପରେ ବିଶ୍ରା ଥାନା ପୁଲିସ ଘଟଣାସ୍ଥଳରୁ ଏତୁଆ ମୁଣ୍ଡାରୀଙ୍କ ଶବ ଜବତ କରିଥିଲା l ଏହାପରେ ଏତୁଆ ମୁଣ୍ଡାରୀଙ୍କ ଶବ ବ୍ୟବଚ୍ଛେଦ କରାଯାଇଥିଲା। ଏହି ଘଟଣାରେ ବିଶ୍ରା ଥାନା ପୁଲିସ ପତ୍ନୀ ବନିତା ମୁଣ୍ଡାରୀ ଓ ଝିଅ ଲକ୍ଷ୍ମୀଙ୍କୁ ଗିରଫ କରିଥିବା ଜଣାଯାଇଛି l