ଭୁବନେଶ୍ୱର: ଗତକାଲି ଜମ୍ମୁକାଶ୍ମୀରର ପୁଲଓ୍ଵାମାଠାରେ ସଂଗଠିତ ବଡ଼ ଧରଣର ଆତଙ୍କବାଦୀ ଆକ୍ରମଣର ୪୮ଜଣ ଜବାନ୍ ସହିଦ୍ ହୋଇଥିବା ଜଣାଯାଇଛି। ସହିଦଙ୍କ ମଧ୍ୟରେ ଦୁଇଜଣ ଓଡ଼ିଆ ଯବାନ୍ ମଧ୍ୟ ଅଛନ୍ତି। ସେମାନେ ହେଉଛନ୍ତି ଜଗତସିଂହପୁର ଜିଲ୍ଲା ନୂଆଗାଁର ପ୍ରସନ୍ନ କୁମାର ସାହୁ ଓ କଟକ ଜିଲ୍ଲା ନିଆଳି ଅଞ୍ଚଳରରତନପୁର ଗ୍ରାମର ମନୋଜ କୁମାର ବେହେରା।
Sambad is now on WhatsApp
Join and get latest news updates delivered to you via WhatsApp
ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ରାଜ୍ୟ ସଚିବାଳୟରେ ଏକ ମିନିଟ ନୀରବ ପ୍ରାର୍ଥନା କରି ସହିଦ ଯବାନଙ୍କ ଉଦ୍ଦେଶ୍ୟରେ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ। ଏହାପରେ ସେ ଟେଲିଫୋନ ଯୋଗେ ଦୁଇ ଓଡ଼ିଆ ସହିଦଙ୍କ ପରିବାର ବର୍ଗ ସହ କଥା ହୋଇ ସମବେଦନା ଜଣାଇଥିଲେ। ଏଥିସହ ଅର୍ଥମନ୍ତ୍ରୀ ଶଶୀଭୂଷଣ ବେହେରା ଓ ସ୍ୱାସ୍ଥ୍ୟମନ୍ତ୍ରୀ ପ୍ରତାପ ଜେନାଙ୍କୁ ସହିଦ ପରିବାର ସହ ଭେଟି ଆଲୋଚନା କରିବା ଲାଗି ନିର୍ଦ୍ଦେଶ ଦେଇଛନ୍ତି।