ଖୋର୍ଦ୍ଧା: କୋଭିଡ୍ କଟକଣା ଯୋଗୁଁ କଲେଜରେ ଉପଯୁକ୍ତ ଭାବେ ପାଠପଢ଼ା ହୋଇପାରିନାହିଁ । ବର୍ତ୍ତମାନ ଅନେକ ଛାତ୍ରଛାତ୍ରୀ ଅସୁସ୍ଥ, ସଂକ୍ରମଣ ବ୍ୟାପିବାର ଭୟ ରହିଛି, ଏଣୁ ଏହାକୁ ଦୃଷ୍ଟିରେ ରଖି ଯୁକ୍ତ ଦୁଇ ପରୀକ୍ଷା ବାତିଲ କରିବା ପାଇଁ ଆଜି ଖୋର୍ଦ୍ଧା ଓ ଖୋର୍ଦ୍ଧା ଆଖପାଖର କଲେଜଗୁଡ଼ିକର ଶତାଧିକ ଯୁକ୍ତଦୁଇ ଛାତ୍ରଛାତ୍ରୀ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିବା ସହ ଏକ ଦାବିପତ୍ର ଦେଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଆଜି ପୂର୍ବାହ୍ଣରେ ଜିଲ୍ଳାପାଳଙ୍କ କାର୍ଯ୍ୟାଳୟ ସମ୍ମୁଖରେ ହୋଇଥିବା ବିକ୍ଷୋଭରେ ଖୋର୍ଦ୍ଧା ପ୍ରାଣନାଥ ସ୍ୱୟଂଶାସିତ ମହାବିଦ୍ୟାଳୟ, ଜଟଣୀ, ହଳଦିଆ, କେରଙ୍ଗ, ମନ୍ଦାରବସ୍ତ, ଦେଉଳି ମହିଳା ମହାବିଦ୍ୟାଳୟ, ଗଡ଼ମାଣତ୍ରୀ, ଅଦ୍ୟାନ୍ତ କଲେଜର ଛାତ୍ରଛାତ୍ରୀମାନେ ଯୋଗ ଦେଇଥିଲେ । ସେମାନଙ୍କ କହିବା କଥା ହେଲା ଯେ ସଂକ୍ରମଣକୁ ଦୃଷ୍ଟିରେ ରଖି ଅନ୍ଲାଇନ୍ରେ ପାଠ ପଢ଼ାଯାଉଛି, କିନ୍ତୁ ଅଫ୍ଲାଇନ୍ରେ ପରୀକ୍ଷା କରାଯିବା ପାଇଁ ପ୍ରସ୍ତୁତି ଚାଲିଛି । ଏହାପଛର ଥିବା ଯୁକ୍ତି ସେମାନେ ଜାଣିପାରୁନାହାନ୍ତି । ସାମାଜିକ ଦୂରତ୍ୱରେ ପରୀକ୍ଷା ହଲ୍ରେ ବସି ପରୀକ୍ଷା ଦେବା ସମ୍ଭବ ନୁହେଁ । ଏଣୁ ବାର୍ଷିକ ପରୀକ୍ଷା ବାତିଲ କରାଯାଇ କାଉନ୍ସିଲ ଦ୍ୱାରା ଗତ ୩ଟି କ୍ୱାଟର ପରୀକ୍ଷାର ମାର୍କକୁ ନେଇ ପରୀକ୍ଷାଫଳ ଘୋଷଣା କରାଯାଉ । ଯେଉଁ ଛାତ୍ରଛାତ୍ରୀମାନେ ଏଥିରେ ସନ୍ତୁଷ୍ଟ ହେବେନାହିଁ ସେମାନଙ୍କୁ ପ୍ରତ୍ୟକ୍ଷ ପରୀକ୍ଷାର ସୁଯୋଗ ଦିଆଯାଉ ।