ତିତଲି ରିଲିଫ୍ ସହାୟତା ରାଶି ବଢ଼ାଇଲେ ସରକାର; ପ୍ରଭାବିତ ଜିଲ୍ଲା ପାଇବେ ୩୭୫ କୋଟିର ସହାୟତା
ଭୁବନେଶ୍ବର : ସୋମବାର ସଚିବାଳୟରେ ତିତଲି କ୍ଷୟକ୍ଷତିର ସମୀକ୍ଷା ହୋଇଛି । ବୈଠକ ପରେ ସ୍ୱତନ୍ତ୍ର ରିଲିଫ୍ କମିଶନର ସୂଚନା ଦେଇଛନ୍ତି ଯେ ତିତଲି ପ୍ରଭାବିତ ଜିଲ୍ଲାଗୁଡ଼ିକ ପାଇଁ ରିଲିଫ୍ ସହାୟତା ରାଶି ବୃଦ୍ଧି ହୋଇଛି । ରାଜ୍ୟର ତିତଲି ପ୍ରଭାବିତ ଜିଲ୍ଲାଗୁଡ଼ିକୁ ୩୭୫ କୋଟି ଟଙ୍କା ରିଲିଫ୍ ସହାୟତା ଯୋଗାଇବା ପାଇଁ ବ୍ୟୟବରାଦ କରାଯାଇଛି ବୋଲି କହିଛନ୍ତି ଏସ୍ଆରସି । ପୁନଃ ମରାମତି ପାଇଁ ସବୁ ବିଭାଗୱାରୀ ଆବଣ୍ଟନ ହୋଇଛି । ଶକ୍ତି ପାଇଁ ୨୭କୋଟି , ଖାଦ୍ୟ ଓ ଯୋଗାଣ ପାଇଁ ୨୦କୋଟି , ଜଳସଂପଦ ପାଇଁ ୭କୋଟି , ପୂର୍ତ ବିଭାଗ ପାଇଁ ୫୦କୋଟି, ଗ୍ରାମପୁର୍ନଗଠନ ପାଇଁ ୫୫କୋଟି, ରାସ୍ତା ନିର୍ମାଣ ଲାଗି ପଂଚାୟତିରାଜ ବିଭାଗ ପାଇଁ ୬୨୪ କୋଟି ଓ ପଶୁସଂପଦ ବିଭାଗ ଲାଗି ୨ କୋଟି ଟଙ୍କାର ବ୍ୟୟବରାଦ କରାଯାଇଛି ।
Sambad is now on WhatsApp
Join and get latest news updates delivered to you via WhatsApp
ସେହିଭଳି ଗତ ୧୬ ତାରିଖରେ ତିତଲି କ୍ଷୟକ୍ଷତିକୁ ନେଇ କ୍ଷତିଗ୍ରସ୍ତଙ୍କ ପାଇଁ ପ୍ରଥମ ପର୍ଯ୍ୟାୟ ରିଲିଫ୍ ଘୋଷଣା କରିଥିଲେ ରାଜ୍ୟ ସରକାର । ପ୍ରଥମ ପର୍ଯ୍ୟାୟରେ ୧୦୨ କୋଟିର ସହାୟତା ରାଶି ଗଞ୍ଜାମ, ଗଜପତି ଓ ରାୟଗଡ଼ା ଭଳି ବିଶେଷ ପ୍ରଭାବିତ ହୋଇଥିବା ଜିଲ୍ଲା ପାଇଁ ଘୋଷଣା କରିଥିଲେ ନବୀନ ପଟ୍ଟନାୟକ ।